李彩华唱恶搞歌《你唔拜我啦》 力撑二创：香港需要创作新力军
早前在农历7月盂兰节期间，网上掀起一阵李彩华热潮。全因为来自“高登音乐台”的网民，把歌手李彩华（Rain）的经典歌曲《你唔爱我啦》二次创作为《你唔拜我喇》。结果歌曲推出不久便在网络疯传。更有不少网民留言希望李彩华能够翻唱这首恶搞金曲。谁不知最近“高登音乐台”发布了最新的《你唔拜我喇》MV，而且更得到李彩华的加持，与网络歌手“月巴西与你”认真合唱，令《你唔拜我喇》ＭＶ版再度网上疯传。
高登仔改《你唔拜我喇》为先人发声 网民要推到李彩华翻唱：http://bit.ly/2xdNYJF
《你唔拜我喇》唱：李彩华、月巴西与你@HKGOLDEN／填词：a仔、四眼鸡丁、长_叔叔@HKGOLDEN／混音：漏奶@HKGOLDEN／拍摄：四眼鸡丁、漏奶、眼超超、a仔 @HKGOLDEN／剪接：四眼鸡丁、漏奶@HKGOLDEN （来源：高登音乐台）
身在内地工作的李彩华（Rain）接受《香港01》访问时，谈到网民把她的《你唔爱我啦》恶搞，Rain除了感到惊喜，更鼓励网民应发挥创意：“当初《你唔拜我喇》一出嘅时候就已经有朋友send俾我睇，我当时喺内地拍紧戏，几经辛苦打开嚟睇。睇完觉得好搞笑。无谂过喺盂兰节《你唔爱我啦》会有个《你唔拜我喇》嘅版本。唔知重阳节、圣诞节、新年又会唔会有多啲版本呢？我本身就好支持大家发挥创意，所以我觉得网民多啲二次创作系一件好事。香港就系需要多啲创作新力军，不论系正经或者系搞笑嘅创作，呢啲都系大家需要嘅。其实我一直都有留意佢哋（网民）二次创作其他歌手嘅歌，佢哋会将一啲社会问题或者现象用歌词活生生去表达，我觉得咁做几好。”
今次Rain与《你唔拜我喇》原唱人月巴西与你@HKGOLDEN合唱此歌曲，令不少人感到非常惊喜。谈到今次的合作是否为顺应民意，她表示：“《你唔拜我喇》呢首歌出咗无耐，我经理人公司就收到佢哋（高登音乐台）E-mail，邀请我同佢哋合作。其实时间好紧张，因为我当时喺内地返嚟香港两日就要再飞返去做嘢。所以就要喺返嚟𠮶两日嘅其中一日拍完《你唔拜我喇》MV，点知好快手拍完。所以我觉得香港人真系好叻，相比其他地方香港人做嘢真系好快手好有效率。”
她续说：“第一次系网上听到《你唔拜我喇》𠮶位女声（月巴西与你），觉得佢声线好忧愁，点知出到嚟见到佢个人好可爱好健谈，完全估唔到系佢唱。”
Rain在内地发展多年，在香港乐坛甚少出现。今年却推出个人写真并将在10月于旺角麦花臣举行《十月的雨演唱会》。问到Rain是否希望回香港发展，她表示：“其实今年能够返香港发展，真系一个机缘巧合。我咁多年一直喺内地工作，咁啱我有一个多年老友介绍Angelababy个摄影师俾我，我打算揾佢影一辑靓相，后来讲讲吓变成出写真集。之后又有人又揾我问我有无兴趣开骚，我紧系觉得好啦。自己系歌手身份入行，但系一个音乐会、演唱会都未开过，所以就一拍即合，完成我呢个多年心愿。”
李彩华最近积极筹备演唱会，更强调唱功会比以前有所进步：“相隔咁多年再唱歌，我到时一定会俾大家睇到我歌艺嘅进步。今个演唱会我会唱一啲我以前嘅歌，又会翻唱人哋嘅作品。今次开骚我好希望唔会有闷场，所以选歌方面都会好小心。”（曾经与古天乐、苏永康、方力申出歌，会不会请他们做嘉宾？）“我知道佢哋都系好忙，如果佢哋得闲紧系好啦，不过真系要睇吓有边位老友得闲。”
提到《你唔拜我喇》在网上疯传，Rain指视乎气氛而定：“Rundown（流程）暂时都未定，唱唔唱《你唔拜我喇》就要睇现场气氛，气氛好嘅可能都会玩吓。我尽量希望唔好畀自己太大压力，想当日好似当开party咁。”