【我不怕唱歌】前TVB爱将重返乐坛超有特色　麦美恩：放学ICU！

麦美恩：我细细个听佢唱《放学ICU》！
Bob：佢呢排肥咗啲！幸福呀！
余香凝：佢把声系独特嘅！
呢位朋友仔，外形又易认，把声又独特，更加系唔少人心目中嘅童年回忆，你又认唔认得出佢系边个？
摄影：龚嘉盛 彭嘉彬
剪接：许柏伦
Make up : Yen Lai
Hair : Vince Pang@ilcoplo

香港乐坛曾经历过百家争鸣的时代，年尾颁奖礼竞争之大，令到不少好歌曲即使几经传颂亦未能得奖。纵使部份歌手未能成为得奖王，但亦有不少经典作品成为大家回忆的一部份。今次《我不怕唱歌》的嘉宾由儿童节目出身，热爱演艺事业的他，曾在电视中陪伴不少人成长，后来更进军乐坛，他对你来说又会否有著特殊的意义？

近年醉心幕后，为女友推出多张发烧专辑，结果大获好评。但他坦言并未放弃幕前机会，早年更因拍摄TVB剧集《使徒行者》让大家重新唤起对他的回忆，亦试过组成乐队打入《CASH流行曲创作大赛》。虽然事业未尽人意，不过他亦正式宣布将回归乐坛，在今集《我不怕唱歌》当中，他选唱了两首自己相当喜欢的《交叉点》及《幸运是我》，诉说自己多年的际遇。这位遇上不少高低跌宕的男歌手，便是邓健泓。

乐迷对邓健泓最大印象应该也离不开《心寒》、《朋友二号》、《直上》等歌曲，但今次在《我不怕唱歌》的环节中他亦坚持不唱这些歌曲，原来是来自他的阴影，Patrick坦言：“其实最初我无谂过会做《我不怕唱歌》呢个环节，因为做歌手难免会俾人评论，而我而家尽量想避免做啲事情出嚟俾人评论，因为我行出嚟都已经会俾人评论，可能我受过嘅伤害比较多。尤其我觉得自己唱歌其实真系唔叻，衰啲讲，我把声音唯一嘅好处应该系会有人认得出。不过当你哋(HK01) 好尊重我，揾我上嚟唱歌，我觉得都要尊重返你哋。”

问起Patrick为何会选唱《交叉点》及《幸运是我》，他表示：“《交叉点》其实喺我5、6年前有一个机会唱，我再去细味当中嘅歌词，先发现里面嘅歌词系要到某一个年纪去听返，先会有感觉，尤其经历咗一啲事情，个冲击会更大。而《幸运是我》就啱啱相反，我觉得今日嘅我其实系好幸运，我幸运嘅系揾到而家身边另一半，亦幸运自己仍然有能力为乐坛出小小力，我好开心自己嘅作品可以有一位好漂亮嘅歌手演绎出嚟。所以我经常会Keep住呢两只歌系心入面。”在Patrick口中的“经历”及“际遇”，原来真的让他改变了不少：“我嘅事业道路其实都有高有低，经过唔少波折，以前我嘅自信同棱角都非常强劲，亦因为咁而经常钻牛角尖。但而家人大咗，我睇返自己原来好多嘢都可以做好啲。我希望自己而家可以做一个好嘅人，自然就可以成为好嘅演员同歌手。”

提起过往的执著，连Patrick回想起也禁不著表示自己奇怪：“例如我以前出Show一定要著黑色衫，𠮶时会觉得好有型，但呢啲执著而家大个睇返其实好古怪。反而我而家嘅著眼点系，当我知道我自己嘅坚持系啱，我就会希望大家听我讲，我唔系麻烦，每次我嘅执著都有原因。打个比喻，试过Sukie S开Show，个导演想音乐起嘅时候，Sukie S就喺钢琴后面个幕行出嚟就即刻唱歌，而当时佢著住好长嘅裙。但我觉得一个歌手应该企定定喺个台上面，深呼吸然后先开始唱歌，呢啲就系我嘅执著。”

近年专注为女友出碟，不少乐迷可能也会问，邓健泓是否不会再出歌？他解话：“其实今年会再出歌，而家已经做紧后期，但我已经冇以前咁热切。因为当我遇到Sukie S，我觉得佢唱得好好，好完美。令我开始爱上一啲完美嘅嘢，睇落去好靓，听落去好舒服。再睇返自己，原来有好多不足，开始会对自己好多怀疑，而家我学识随遇而安，唔好强求太多。以前嘅我会好享受喺台上唱歌，啲粉丝会一齐唱，一齐拍手；K房三甲都系我嘅歌，就已经好满足好开心。但而家嘅满足感系嚟自我写咗只歌，有人会唱。甚至帮到我另一半由冇乜人留意嘅歌手，变成而家有人觉得佢唱得好，卖到碟，呢种满足感已经等同我以前做歌手𠮶种成功感。”