李克勤10号风球坚持录新歌　遇空中飞“窗”：好彩冇中我地架车！

天鸽为香港带来10号波，但原来都有唔少歌手艺人仍然开工，李克勤今朝在IG贴出一段与Alex Fung的片段，并写道：“今朝老婆和大小老板问我是否一定要10号风球开工”，并在hashTag讲了心声“我都想在家休息一天”，可是演唱会在即，时间可以话买少见少，结果十号风球下，录了新歌《龙须糖》。

打风需要留在安全地方，可是克勤前往录音室途中，都发生惊险事，他忆述：“架车去到中环，唔知边度有个窗飞左落街，好彩冇中我地架车，一地玻璃碎，架车都吹到左摇右摆咁。”

今次演唱会，克勤准备充足，操到好Fit。

克勤咁急为新歌录音，其实都系源于演唱会令时间太紧迫，日前他与太太卢淑仪，孖住黄伟文一齐去东京为演唱会拣衫，基本上全程都系黄伟文话去边就去边，自己只系乖乖交出身体，配合试身就可以，仲畀当地服务员大赞“nice body”，令克勤都有点儿轻飘飘，不过他笑言：“锁骨以下都唔会露，咁操个nice body都唔系为露嘅，为自己体力好啲，身体健康，可以做好个演唱会。”

今次演唱会为了庆祝李克勤成立30周年，演唱会更发行限量邮票﹑t-shirt及环保袋等纪念品，仲设埋小童装，克勤话：“次次开演唱会，件衫大细老板都想有件一样，今次公司做咗亲子装，咁我有佢地又有一齐著，我估佢地会好开心！”