【专访】“零瑕疵”变负担？ 李克勤：球员都唔会永远有状态啦！
“小朋友好似足球员，要畀佢知道咩时候系黄牌，咩时候系红牌要赶出场！”李克勤除了是“零瑕疵歌手”外，众所周知他是一位忠实球迷，想不到李克勤也用足球来形容与家人之间嘅关系。摄影：黄国立造型：Queenie Yu化妆：Angel Y发型：Adolph Bow场地：EEG
歌手李克勤将于今年9月举行《李克勤庆祝成立30周年演唱会》。为迎接今年演唱会李克勤花了一年时间，与监制Alex Fung（冯翰铭）制作了纪念入行30周年专辑《30克》。谈到林海峰（Jan）为李克勤设计《30克》唱片封套时，曾解释今次在《30克》封套用上一条羽毛，是要表达不想给人“沉重感”，其实是不是与李克勤工作时的严肃，“cool”态度有关？
“我做嘢嘅时候系好严肃，我系唔会笑，唔会讲嘢。我系做完嘢先会讲嘢嘅人。例如系我可以系又一个地方出发到另一个地方工作系完全唔讲嘢。如果做演唱会的话会更加唔出声，我系一个分得好清楚工作与私人时间嘅人。我从来当工作系一样我好尊重嘅事情，无论系简单一个访问或者系演唱会也好，我系会好认真，可能系细个老豆教我工作时工作，我工作时可以连食嘅嘢都无咩所谓，只要工作完咗我可以即刻变成另一个人点玩都得。”李克勤说。
李克勤：我觉得打系无乜嘢，要畀个小朋友知道咩嘢系唔啱
工作时直认严肃嘅李克勤虽然话收工会变成另一个人，可以点玩都得，但翻到屋企嘅佢，都系一位严厉嘅“球证”：“我恶死嫁！梗系恶死啦，中国人唔打得呀！哈哈哈！点解唔可以打，我觉得打系无乜嘢，要畀个小朋友知道咩嘢系唔啱，咩嘢系好唔啱，咩嘢系好乜乜唔啱。即系要畀小朋友知道就算错，都有分唔同程度上嘅分别，唔啱未必会惩罚，但去到好乜乜唔啱就一定要惩罚。好似足球员咁，要畀佢知道咩情况只系口头警告，咩时候系黄牌，咩时候系红牌要赶出场。”
（足总（老婆）会唔会嫌你处罚过严？）
“无哩个人（老婆）！我就系足总，哈哈哈。”李克勤笑言。
“30”这个数字对不同人来说有不同意义，有人说是第二次青春，有人会觉得是人生十字路口，但对于入行30年经历过高低起跌的李克勤来说，30给他的感觉，反而是心境轻松：“今次《30克》嘅曲风比较轻松，有别于以往感觉咁隆重登场及用管弦乐。今次成件事，除咗《一个都不能少》，《失魂记》等比较李克勤style之外，我都想其他歌用轻松心情去表达，所以阿Jan（林海峰）帮我设计唱片cover嘅时候，都用上一条羽毛，因为《30克》想畀人嘅感觉可以轻一啲。而今次《30克》同以往李克勤嘅出品最大嘅分别，就系多元化。以往嘅作品就系大家好喜欢李克勤𠮶种类型嘅歌，所以我会喺只碟入面摆好多只李克勤类型嘅歌入去，净番少少位我先去试新嘢。但系今次有好多歌同以好唔同。例如有《五十路》歌词系讲一架有50年历史甲虫车，系一首好chill好游车河嘅歌；又例如有我同6号嘅《黑胶》，哩类型嘅歌曲你系唔系喺我以前嘅唱片揾到。”
入行虽然30年，但李克勤其实都算Keep得唔错！
谈及唱片监制Alex Fung为李克勤的专辑注入不少新元素，原来AlexFung的天马行空，正正是李克勤的所需：“我无嘢接受唔到，我只会担心自己唱唔到Alex Fung要求嘅感觉。Alex Fung佢系一个喺音乐上天马行空嘅人，佢可以将我自己谂嘅idea放喺歌曲上。好似《C3PO》为例，佢系一首k歌底嘅歌，但系我哋做嘅时候唔想变成个啲你爱我，我爱你嘅歌，所以我哋将‘Star Wars’嘅角色放入去，而‘C3PO’系一个又有人性又代表到星战嘅角色，最后变成一首好得意嘅二次创作嘅歌曲，当然如果你系星战迷，你会留意到歌词上除咗C3PO之外亦都有‘韩先生(Hon Solo)’，星战入面嘅‘千岁鹰’等等。”
《C3PO》由李克勤亲自填词，讲真，要将C3PO放喺歌词入面，而且仲要啱音真系唔容易。
《C3PO》歌词：
从来不觉倦／用尽我的所有力气照料妳／珍惜妳如珠／如宝／如C3PO每日效劳／望到／却触不到
李克勤：其实我成日都有瑕疵
李克勤花名有好多，其中有“CD勤”，“零瑕疵歌手”其实哩类嘅花名会唔会成为工作负担？“其实我成日都有瑕疵，唱几个钟嘅live边有可能会无瑕疵，球员都唔会永远有好嘅状态啦，不过其实有哩个名都几好，当大家标签咗我哩个名嘅时候而我唱得唔好，乐迷会觉得我应该有病，𠮶日唔多舒服，帮我谂埋个借口。”李克勤笑言。