Tommy仔拍住林雪Rap　MC Jin忍唔住挑机

MC Jin最近“人气翻身”，事关《中国有嘻哈》中有一个与他“非常相似”的参赛者Hip Hop Man，令观众重新留意呢个曾经Rap赢黑人嘅猛料Rapper。日前MC Jin专访中提到在香港工作非常顺利，音乐又有，幕前又有，原来有“港版G-Dragon”之称嘅阮民安(Tommy)孖住林雪，同MC Jin都有合作过。

2010年作品《男士托》Tommy、林雪featuring MC Jin，Tommy有份作曲、编曲，仲做埋监制，难怪早前接访问觉得自己怀才不遇，讨厌俾人当冇料啦。话说回来，虽然林雪唱歌“充满特色”，不过经常有唱歌表演机会，于《男士托》一曲中更包办两段Rap，又以莫华伦唱腔演绎真系意想不到。

MV中MC Jin都顶唔顺Tommy仔同林雪乱咁嚟，忍唔住要突入“教路”示范何谓真正的Rap。

Rap歌词：

“Tommy你叫我featuring得 但我听你哋rap咁耐都唔知噏乜

我揾食系唔容易 你要我推咗份job嚟听你哋倾心事?

你两个真系好有感情 或者我未做过PTU所以唔明

我唔得闲陪你两个癫 走之前 喂 肥雪哥影幅相先”

不过讲真话永远唔讲得，所以MC Jin在MV中被当作疯狂fans，更被工作人员拉走。其实《男士托》一曲都可以叫做沧海遗珠，皆因班底强劲，有MC Jin负责Rap、张继聪、梁栢坚填词；MV中又有o靓模Lavina大晒事业线，无论视觉、听觉都系享受。