【专访】尹光阿肥《潮神》红爆网：我哋根本就系吹水无料到！

在香港除咗居住空间存在土地问题外，喺乐坛要玩rap同Hip Hop一样都有土地问题。市场空间太小，就算每过一阵子有rapper胆粗粗走出嚟出碟都好，都玩唔到一阵就挨唔住，所以要揾食兼且又可以打响名堂嘅rapper嚟嚟去去都系𠮶班人，所以为了自己，为大众接受，生存下来嘅人都要不时谂啲新意思冲撃一下乐迷。有“庙街歌王”之称嘅尹光，最近就揾嚟24Herbs（廿四味）成员阿肥（Phat）齐Crossover出新歌《潮神》，以两位不同年代嘅人用rap形色反映大家对“潮”嘅睇法。摄影：梁碧玲发型：哈佛

每年都有新歌推出嘅“庙街歌王”尹光，最近推出了新歌《潮神》。《潮神》推出不久已经得到唔少乐迷认同，未够一个月Youtube点撃已经高达六位数字，相比起年轻一辈绝不逊色。今次仲首度与Rapper阿肥（廿四味成员）合作，原来光哥一直都非常欣赏阿肥，而且仲视阿肥为学习对象。尹光：“今次合作好多谢阿肥睇得起我，皆因佢系正宗Rapper，我可以跟佢学嘢，佢rap嘅时候嘅动作真系靓到不得了。”

讲到新歌《潮神》，原来已经系两年前嘅货仔，不过两年后推出都一样够潮。阿肥：“哩首歌本来系有份监制何钧源其实每年都会帮光哥作曲，哩首歌《潮神》其实已经放咗喺到两年，词都一早填好，不过当时填词人兼合唱人KZ因为佢囡出世所以就未有时间，结果监制就揾咗我一齐唱，而且再叫梁柏坚帮手填副歌部分，因为两年前两年后世界都唔同咗。”

当大家听哩首《潮神》以为单纯系讲现时潮流时，原来并不是如此简单。阿肥：“《潮神》哩首歌系用上嬉笑恕骂嘅方式去演绎究竟乜嘢系潮，我嘅潮，同光哥心目中嘅潮又唔一样，我哋嘅潮又可能同你谂嘅潮唔一样，所以如果你留意哩首歌嘅歌词同MV，你会发现我哋每人分身两角，去表达各有各嘅潮。”尹光：“其实哩首歌根本就系要我同阿肥喺到斗认叻，大家一边以rap battle讲吓自己有几威，如果大家留意MV结局，你会知道其实我哋两个只喺认叻认潮，根本就系吹水无料到。”

讲到新歌《潮神》，原来已经系两年前嘅贷仔，不过两年后推出都一样够潮。阿肥：“哩首歌本来系有份监制何钧源其实每年都会帮光哥作曲，哩首歌《潮神》其实已经放咗喺到两年，词都一早填好，不过当时填词人兼合唱人KZ因为佢囡出世所以就未有时间，结果监制就揾咗我一齐唱，而且再叫梁柏坚帮手填副歌部分，因为两年前两年后世界都唔同咗。”

当大家听哩首《潮神》单纯以为系讲现时潮流时，其实阿肥：“《潮神》哩首歌系用上欺笑恕骂嘅方式去演绎究竟乜嘢系潮，我嘅潮，同光哥心目中嘅潮又唔一样，我哋嘅潮又可能同你谂嘅潮唔一样，所以如果你留意哩首歌嘅歌词同MV，你会发现我哋每人分身两角，去表达各有各嘅潮。”尹光：“其实哩首歌根本就系要我同阿肥喺到斗认叻，大家一边以rap battle讲吓自己有几威，如果大家留意MV结局，你会知道其实我哋两个只喺认叻认潮，根本就系吹水无料到。”

光哥谈到与阿肥合作，似乎很有新鲜感，毕竟“尹光式”Rap歌有别于正宗的Rap：“今次同阿肥合作好开心，觉得佢虽然Rap界出名，但人好nice，无摆款，一问佢就肯教，特别系Rap时嘅动作。”受到尹光力赞，阿肥都好识做，马上卖口乖：“光哥喺乐坛上系占有一个好重要嘅席位，无论粤曲界，流行曲界，电影。”尹光：“大家方法唔同，我觉得光哥今次嘅Rap有突破，佢今次唔系唔系四拍四咁简单，玩咗好多新方式，一啲都唔老土。其实大家一听就会听到。其实我觉得Rap歌最难系背歌词，做骚时又要记歌词又要做动作真系好难。我还记得十几年前嘅《少理阿爸》系最难，因为系我嘅第一次。

嚟紧光哥7月会开骚，光哥有无叫阿肥mark定期做嘉宾，阿肥马上抢答：“我求咗佢好耐啦，希望到时光哥可以预首歌俾小弟。”光哥：“一定会预埋阿肥，到时我哋会唱几首Rap歌。到时阿肥仲会Rap我嘅作品，所以阿肥，你一阵翻去记得背熟啲歌啦，因为我开骚系无字幕睇架。”