周殷廷演唱会｜宣布红馆见　嫌Fans送新底裤冇温度：下次即场除啦

撰文： 邓颖琪
出版：更新：

周殷廷（YT）完成一连两场的《WHO IS YAN TING LIVE 2024》演唱会，他在骚后接受访问时，指心情平静，不过由于自己身兼导演和歌手，感觉像做了四场演唱会，除了唱歌，还要兼顾观众反应。一向硬净的YT，在头场演出落下男儿泪，他哭著说：“老窦，妈咪，阿哥，我希望我有令到你哋骄傲。”被问为何如此触动，YT说：“因为㖊日第一次做Show，系人生第一个Concert，只会做一次，所以亦都系喺𠮶一刻，我觉得需要多谢返我家人，因为我系一个好失败嘅仔，或者一个好失败嘅细佬，要靠屋企人Carry。”

YT完成两场演唱会，他在影大合照时，与全场观众拍纪录片。（叶志明摄）
YT讲到家人时，罕有地落下男儿泪说：“老窦，妈咪，阿哥，我希望我有令到你哋骄傲。”（叶志明摄）

这部分亦是他两晚以来最感动的环节，YT表示：“从来都冇咁嘅机会，亦都冇咁嘅勇气讲咁嘅说话，点样令父母觉得骄傲，我谂每一个仔或者每一个女都会谂，去到边一刻佢会觉得骄傲。佢哋从来唔会觉得唔骄傲，你做每一步佢都会觉得你值得我骄傲，但系我系佢嘅孩子，都会想有一番成就，令到佢会同人讲𠮶个系我个仔，𠮶个系我个女。”被问家人睇完有什么反应，他说只在WhatsApp送了个举手公的emoji。YT指家人都比较含蓄，尤其传统中国人，可能食饭夹只大鸡髀给你已是一种表达爱的方式，他自言很多事做得不好，但会继续努力。

YT拒为自己的表现评分，他说：“每一个Show系有佢自己嘅命，好似𠮶棵树，高啲肥啲矮啲，你唔会话棵树系一棵好树定唔好树，你只会话呢棵树就系咁。”（叶志明摄）
被问是否满自己表现，YT表示：“我已经畀尽咗可以畀嘅嘢，我唔知道个Result系咩，个Result唔系自己评自己，系由网民去讲。我畀自己嘅评分就系你有冇去尽，我去尽咗！所以希望大家钟意。”（叶志明摄）

除了YT本人落泪，头场嘉宾Gin Lee（李幸倪）比他哭得更犀利，YT透露二人第一次这样沟通，除了因为两人都是从外地离乡别井来香港打拼歌唱事业外，更大关键是大家同步跌入低潮，“我当你离乡别井，但系你好成功，我好失败，个感受好唔同，但系大家一齐喺谷底，拍一拍大家膊头，叫大家行多一步，呢种友谊系irreplaceable。”不过Gin Lee在台上说，自己是多年后睇访问才知道，原来YT出尽力撑住自己的那段时间，他本人也面对著低潮，令她很内疚。YT表示：“𠮶一刻我觉得我未必可以做到，咁我就用我仅余有嘅力量，畀我可以畀到嘅所有嘢。我都唔可以话帮佢，因为佢要帮自己，而我希望畀到最后一分力出嚟。”他说自己曾为了成功牺牲很多时间、身边人，不希望有人重蹈覆辙，所以帮到就帮。

Gin Lee透露在谷底时，对生命感绝望，但YT尽了最大努力帮自己，因此她见到对方开骚非常感触。（叶志明摄）
YT说自己帮到Gin Lee就尽帮，又谓：“我想身边嘅人开心，可以享受佢嘅人生，所以Gin同我嘅友谊真系无话可说。”（叶志明摄）

尾场嘉宾陈凯咏（Jace）因为高踭鞋太高，与YT合唱期间失足跘倒，差点跌在地上，幸好YT反应快，一下扶著她的腰英雄救美，Jace才没有出洋相。事发片段瞬间在网上疯传，网民笑指似韩剧情节，留言说：“咀佢！咀佢！”YT听罢即大笑，唱出韩剧主题曲，笑言：“黐线，好彩佢冇事，呢个最紧要。”他说开骚前想过要怎么令两人的演出更有感觉、令观众有尖叫位，Jace怕自己会笑场，YT：“我话你专业㗎嘛，唔会嘅，去到𠮶吓我觉得佢自己Kick一Kick，特登做个位俾我，‘YT做嘢啦！’畀咗个位我。（冇夹过嘅？）梗系冇啦！可能我有谂过kick跌佢，佢唔知啫。”

Jace差点在台上跣低，YT及时出手营救！（叶志明摄）
企返好之后，Jace即捉实YT膊头，有网民形容似韩剧情节，骚都未完已留言：“咀佢！咀佢！”（叶志明摄）

尾场另一亮点，是他与JFFT成员组成伪韩风五人男团JFYT，将气氛推到最高峰。而台下突然有观众将一条印有YT样貌和心心图案的内裤抛上台，YT笑说：“系呀！有人抌咗条底裤上嚟，我有讲过要抌就抌Bra！抌内衣！但系都系𠮶句，如果大家一定要抌，就抌一啲著过或者即场除出嚟嘅，道具冇乜意思，你准备定。我要嘅系即兴，我要嘅系温度，所以大家……（红馆就预备咁做？）谂住佢哋咁样除出嚟。（点样回报佢哋？你都抌？）叫佢哋抌咗先啦，今日令我好失望。（条底裤会点处理？）谂紧，今日𠮶条可能求其烧咗佢，道具都冇温度。”

JFYT表演时，竟有观众掉底裤上台，上面更印有他的样子。（叶志明摄）
不过YT在访问中就不是太满意，跟粉丝说：“如果大家一定要抌，就抌一啲著过或者即场除出嚟嘅，道具冇乜意思，你准备定。我要嘅系即兴！我要嘅系温度！”（叶志明摄）

JFTY的新歌《Hands Up》在YouTube取得热门音乐影片第四位，仅次于第一位的姜涛和第二、三位的韩星，甚至已超越了韩国当红女团New Jeans，YT就说JFYT将会做更多企划，喊话：“我喺呢度就口出狂言，香港所有天团睇住嚟！N9啲垃圾，FINALLY啲垃圾，咁都上到《CHILL CLUB》。当然仲有好多唔同嘅男团，MIRROR、ERROR、P1X3L，P1X3L我都不放在眼内，你喺九展开Show，我就睇吓你开咩Show，我哋会挑战所有团队，尤其是香港Number one天团，非常非常之多人支持，但系我从来不放佢哋在眼内，所以……草蜢，你睇住嚟！”被问是否要爬姜涛头，YT说：“姜涛依家系Number one，我哋一定要搞掂佢，我哋JFYT嚟㗎嘛！”下一句他即搞笑戴头盔：“嗱嗱唔系我讲㗎，有稿咋。”

JFYT在台上说，新歌已超越了韩团NewJeans，他其后再搞笑说：“一定啦，新牛仔裤咩料啫？基本啦，我哋一定劲过佢，我哋有灵魂㗎，我哋喺香港！”然后说自己只是照稿读。（叶志明摄）

演唱会上，YT换上多件低胸西装外套，甚至是只穿外套，频频骚肌，但面对观众失控式狂叫：“除衫！除衫！”他始终冇就范，而在演唱会最后一段，YT在短片中说：“红馆见！”问是否留返红馆才肯除衫，YT回答：“因为我从来都无视啲观众，头先几位师兄都话除衫，我话唔好啦。我临尾都许下一个承诺，今次除完衫，有朝一日踏上红馆，我连皮都要除埋，所以我就觉得，留住先，有朝一日上到红馆嘅话……我唔可以话咩，我惊讲错嘢，总之红馆见。”他透露有计划红馆演唱会，不过讲到详情，他就抛个波畀环球音乐香港董事总经理暨环球音乐大中华区高级副总裁Gary Chan。

YT原本说，演唱会尾声会有惊喜礼物畀大家，原来在最后一幕时，他向观众说：“红馆见！”（叶志明摄）
他透露有计划红馆演唱会，不过讲到详情，他就抛个波畀环球音乐香港董事总经理暨环球音乐大中华区高级副总裁Gary Chan（右）。（叶志明摄）
面对观众失控式狂叫：“除衫！除衫！”YT问观众：“今次除衫，下次点算？”有观众就大叫：“除裤！”（叶志明摄）

问经过今次演出全场爆满，对开红馆是否信心大增，YT认为要谦卑，接著又开始讲经：“唔系今次成功，下次就成功，好似第一场，如果你𠮶一下觉得OK，你第二场就炒，最危险就系你成功𠮶一下嘅下一步，就系你觉得，我系王者、我做到，我点会唔劲？我而家劲，但系你Mentality就系冇依样嘢，但系成为咗呢样嘢，𠮶一刻你就要捉紧返自己嘅灵魂，去同自己讲，冇乜嘢，去到下一次挑战红馆，系一个更大嘅挑战，我哋亦都要好审慎去考虑我哋嘅歌单，唔会松毛松翼，都系虚心做好为止。”

虽然今次演唱会大成功，不过YT就提醒自己不要因而“松毛松翼”，否则好易出事。（叶志明摄）
YT曾许下承诺，若能登上Star Hall舞台，将会与Fans逐一合照，结果他真的在九展外与支持者合照到清晨，大癫！（Instagram：whoisyanting）

请按下图睇更多周殷廷《WHO IS YAN TING LIVE 2024》尾场演唱会花絮：

+19
周殷廷演唱会｜有观众掉底裤上台　嘉宾Jace突失足向后跌幸YT靓救周殷廷演唱会｜落泪多谢家人　嘉宾GinLee喊得更劲仲为一事道歉周殷廷演唱会｜与JFFT组韩风男团掀高潮　誓要揪低香港第一天团