儿童游乐场重开│妈妈即携儿子放电:要报复式咁玩 一阵再去图书馆

政府今日（21日）起逐步放宽社交距离措施，包括重开部份康文署场地，当中包括户外儿童游乐设施、户外体育设施，以及室内体育设施，如体育馆、儿童游戏室等。小朋友居家抗疫多时，终于可以重玩滑梯、千秋、攀爬架、摇摇马等设施舒展筋骨！有不少家长一早带同小朋友到将军澳宝康公园游乐场放电，笑言要报复式玩乐。
摄影：欧嘉乐

位于将军澳的宝康公园，设有八套儿童游乐设施，属区内大型户外儿童游乐场，在第一阶段重开设施期间，市民仍必须戴口罩。

周太今早十时多，带同4岁儿子到游乐场，她说：“我哋今日要复仇式玩，玩完游乐场再去图书馆；之前有同佢踩单车，因为住喺将军澳都方便，又有得戴住口罩，佢次次经过公园见到游乐场围封都好希望入嚟，因为我要返工，希望嚟紧屋企人都可以帮手日日带佢嚟公园。”

爸爸：男仔需要郁动多啲

方先生今日趁游乐场设施重开，十时多与两岁孙女来到将军澳宝康公园游乐场玩乐，“见今日开返咪带佢嚟，困在家个几月了，玩阵回家冲凉瞓觉，疫情个排自己嚟散步，冇带孙女。”

罗先生带分别两岁及四岁儿子到公园游乐场玩，“之前有必要都会出街，但冇入公园，都困得太耐，特别男仔需要郁动多啲，公园绝对要早啲开返啦，戴口罩玩都安全啲，玩阵返屋企先饮水。”

小朋长大后就不跟父母去玩

魏小姐原本想带2岁1个月的儿子到海旁散步，经过游乐场看到很多小朋友在玩，才知道今日游乐场重开，于是立即转场，小朋友表现兴奋，“小朋友都钟意同其他人一齐玩，疫情缓和，沙滩游泳池都有必要重开啦，呢啲系童年嘅乐趣，小朋友长大就唔跟父母去玩。”

周太:望沙滩、泳池尽快开

另一位周太带两岁半儿子及4岁半女儿到游乐场玩，“之前都好少出街，因为我都惊今日公园未解封，惊佢哋失望，所以我同小朋友讲今日去图书馆，因为都会经过游乐场，我望到公园开咗就即刻带佢哋入嚟玩，小朋友去公园一定开心，本身今日预约咗廸士尼，但怕太多人都系唔去住。”周太本身是全职妈妈，疫情下买了不少玩具、劳作与小朋友在家做，她不想小朋友常常在家看电视。

对于公众泳滩、泳池和烧烤设施仍然关闭，周太希望沙滩、泳池尽快开，“因为是夏天，小朋友都需要游水，惟有去非康文署地点，希望快啲开返，见到西贡个个星期六日都塞车就知，其实屈太耐个人都攰，小朋友都成日问：“可唔可以出街，点解今日又喺屋企？细个都识讲呢个感受。”

日日在家大人小朋友都闷

住在附近的李先生表示疫情期间完全没有带小朋友到公园，“我上星期已经同小朋友讲，今日游乐场重开会带佢嚟玩，今朝佢好早就话要来；早排净系喺屋企玩吓玩具，上吓网课，大人小朋友都好闷。”由于李先生一家未有染疫，所以带女儿出外都比较谨慎，“要除口罩嘅活动都唔会去住。”