女儿学攀石更勇于冒险　改变学习态度　妈妈：家长最好一齐学

不少父母为孩子安排林林总总的兴趣班，张太也不例外。她曾让女儿学习游泳、芭蕾舞，直至接触到攀石，更启发到张太及孩子思考成长课题。“除咗体能改变，学咗攀石之后，面对风险嘅能力强咗，更勇于尝试，对学习系好有帮助！”
摄影：欧嘉乐

勇于尝试　改变学习态度

儿童抱石属运动攀登的一种，参与者在过程中不会使用安全带，而是以地下的软垫来作保护。攀石墙上的石头有一定的的排序规律，参与者需根据石头颜色，由指定起点攀至终点。4岁的儿童有基本沟通和抓合能力，已可参与抱石训练。张太的两名女儿分别6岁半及8岁，性格活泼好动，约一年半前开始接触攀石。“佢哋会喺屋企爬门框，就谂不如俾佢哋试玩攀石，亦想佢哋培养运动习惯。试咗一堂就觉得好玩，我同先生都有报大人班，一家四口各自上堂。”

练习攀石一年半，除了改善了体能，张太认为，更重要的是改变了性格和学习态度。“自己去面对风险嘅能力强咗，更勇于尝试，对学习系好有帮助！”她举例，从前女儿做功课时，会犹豫不决，害怕犯错。“作文时佢会好惊写错，唔知点开始。其他同学写咗一版，佢得半版。但当态度改变咗，唔在意文法错，就更放胆去写。”张太续指，攀石不是队制，看似是独立的运动，但训练过程亦对孩子的社交能力有正面影响。“其实系高度社交嘅运动，会接触到唔同背景、年龄嘅人，其他小朋友、教练等，会有好多交流。”

按此报名【小朋友攀石试堂】，即享8折优惠$224；按此报名【新手抱石班】，即享8折优惠$319

家长一同学习　助深入了解孩子

长女学习攀石半年便首次参与比赛，由起初不情愿，直至期待下一次比赛，更令张太反思对女儿的期望。“我同爸爸（丈夫）都发现，无论比赛得第一，定第尾，只希望佢之后继续有心机去学。名次前肯定开心，但如果当日状态唔好，或者其他人比佢叻，都冇所谓，反而可以话俾佢听，未必要做最好𠮶个，但要全力以赴，做最好嘅自己。”

从观察女儿学习，令张太最为满足的一刻，不是孩子爬得高，而是每当看到孩子在中途跌下来，也是笑著爬起身，继续尝试。她建议，家长不妨与孩子一同学习。“家长同小朋友同时学习一件新事情，可以更加体会到小朋友面对紧嘅困难。如果有各样身体原因玩唔到，都至少了解佢玩攀石嘅情况。唔系攀得有几叻，而系跌嘅时候系咩表现，遇到人哋比佢叻嘅时候，佢又会系点。家长更了解小朋友系一个点样嘅人，可以帮助佢有更好嘅成长。”接触攀石六年的Just Climb攀石学校教练黄禩昊亦表示同意，“家长会觉得爬得高先叻，但其实试过就知，上到去要郁只手，系件好困难嘅事！”

改善专注力不足　鼓励尝试

儿童抱石运动尤其适合害怕失败、专注力弱的孩子。黄禩昊表示，他亦曾接触患专注力失调及过度活跃症（ADHD）的孩子。“ADHD小朋友沟通、接收指令弱，其他小朋友会唔理解佢哋嘅行为。教练上堂会因应佢哋能力，爬唔到唔紧要，最紧要听咗指令先。边啲时间系练习，边啲时间系休息，先做好纪律。有啲小朋友肌肉唔协调，嚟上堂之后，个身体系硬净咗。呢类学生都建议上私人班，如果唔系资源唔足够，对佢自己同其他小朋友都唔好。总之嚟到呢度上堂，我帮到嘅就尽帮。”

在训练过程中，攀石强调尝试与坚持。黄禩昊分享，令他印象最深的，是一名7岁学生曾在上课期间情绪爆发。“当时要爬啲较难嘅路线，佢爬唔到第一条、第二条，几条爬唔到，就坐喺度喊，甚至话‘我以后都唔爬喇’。我再一对一同佢倾返，知道个问题，系因为唔中意好挫败嘅感觉。要同佢讲返，其实攀石最重要唔系爬到，系只要肯尝试，伸手攞第一旧石头，跌落嚟都系突破。”

Just Climb攀石学校最近于新蒲岗开辨全港首个儿童专属抱石中心，黄禩昊提醒家长，选择运动还是要以孩子的兴趣为首要考虑。“最重要系小朋友喜欢，唔想佢抱住唔开心嘅心情过嚟。只要小朋友keep住运动就好，学到嘅嘢系唔会白费。”

相关文章：2个月大手抱行山　让孩子自由探索　妈妈：等佢明白唔同可能性！