暖男爸爸│树懒绘本劲催泪 插画师菜心：导演放手俾我画！
由郑中基、张可颐主演的ViuTV新剧《暖男爸爸》播出一星期后大获好评，观众大叫剧情贴地又窝心。剧中时常出现的树懒公仔及绘本更是吸引剧迷眼球，一手包办剧中插画的菜心在接受访问时透露，剧中导演正在检查自己的户口存款，希望可徇众要求，在圣诞节前自费推出树懒周边产品，更大方分享创作概念及与剧组合作的难忘点滴！
按图即睇《暖男爸爸》绘本：
网民盼出产品 菜心：导演计划自己出钱推出周边产品
剧中的妈妈鲸鱼（余香凝饰）喜爱绘画，不时趁著孩子睡著时画下家庭相处点滴及憧憬，其中一幕阿荣（郑中基饰）在家中翻阅亡妻留下的绘本时更不禁泪崩，感动观众！
不少眼利观众发现，绘本角色更串连剧中细节。其中可爱的树懒公仔除了出现在便利店的礼品换领计划，阿荣也不时揹著树懒Tote Bag，令网民大叫剧组快点出周边产品！
一手包办剧中插画的菜心昨日在其facebook专页发文，表示“呢排成日都收到大家inbox问会唔会出树懒扭蛋公仔、树懒布袋、绘本 🎨 导演寻日终于松口，话睇大家反应，再决定出边款！”
菜心向记者坦言，观众的反应是意料之外。“当初整树懒公仔嘅时候，纯粹为咗剧情需要，完全冇谂过大家反应咁热烈。我哋做咗网上投票，大部份观众都话三样产品全部都想要。导演而家check（检查）紧自己嘅户口balance（存款），佢准备自己出钱整晒三样，等大家圣诞节可以有树懒公仔、Tote bag同绘本，详情请留意我哋fb ig。”
以与母亲的相处入画 从树懒学习苦中作乐
菜心表示，自己不是全职插画师，却喜爱绘画，并忆述一次的偶然，促成今次与剧组的合作。“呢几年身边好多朋友都陆续生小朋友，有一位妈咪朋友有日就话，好多妈咪成日收礼物，收来收去都系𠮶几样嘢，知我本身画开插画，就提议我不如画几幅画送俾佢嘅小朋友。画一幅画，就好似亲手送祝福俾小朋友，于是我就开始画。有日导演见到我啲画，觉得好温暖，啱佢套新剧，于是就有呢一次嘅合作。”
菜心坦言，导演在过程中给予一定的自由度。“其实，导演好放手俾我自己画。最主要都系谂起妈咪凑我同细佬嘅回忆，妈咪系个几有幽默感嘅人，所以绘本中某啲场景都直接用妈咪嘅描述入画。”
剧中的插画围绕可爱的角色“树懒小姐”，原来亦别有用意。“其实我一路都有画开树懒，因为呢种生物好神奇，好似世间任何事都唔会打扰到佢哋咁，令到我都想成为一只树懒。讲少少自己嘅性格先，老公话我系一个悲观但快乐嘅人，第一次听好似好怪，悲观又点会快乐？但听完佢分析，似乎我又真系个咁矛盾嘅人。自己同身边嘅朋友工作几年，工作、人际总有不如意，甚至对人生有疑惑、樽颈位……廿岁嘅我，一定会好急切揾岀解决方法。但人到三十，就发现好多事掌控权不在你。我画过一幅树懒对暴龙哥讲：‘今天解决唔到嘅事，唔好急，因为听日都可能解决唔到。’一听你可能觉得好灰，但其实算系一个passive aggressive（以退为进）、苦中作乐嘅解决方法。每个人性格总有啲树懒，争在系几大程度上嘅passive aggressive。”
按图即睇催泪场口
难忘即日起货 观众可找到自己角色
菜心分享，与剧组合作时难忘要即日起货。“道具部永远都系今朝通知你要咩，今晚就要岀到俾佢”，又笑言：“另外，导演话Ronald（郑中基）成日都记错我叫青瓜。”
观众睇剧时，还可多留意什么细节？“除咗要留意我嘅画，其他一切都唔重要，讲笑咋！导演真身系一个毒舌暖男，好mean（尖酸）但好好人，所以佢写同拍出嚟嘅呢一套《暖男爸爸》，充满人性，亦都好温馨。每个观众都应该可以喺剧集里面揾到属于自己嘅角色。”菜心补充，自己尤其喜欢看阿荣的成长，以及他与儿子暴龙哥之间的互动。“因为令我谂起我青春期嘅时候同我Daddy水火不容，但到而家所有朋友都知菜爸爸锡到我㶶！”