【有洋葱】小朋友见父母好耐冇放假　叫护士写父母名落自己病假纸

小朋友的愿望就是想和爸爸妈妈一起去玩，但在香港很多父母都是上班族，要一起放假真的很困难。由一护士开设的专页“诊所低能奇观”就上载了一个感人故事，讲述有小朋友看医生时希望病假纸上写上爸爸妈妈的名字，希望可以与父母一起出去玩。这个故事一出，引起不少父母的反思，到底平时是否也没有时间陪小朋友呢？

有日一位妈妈带住一个小朋友嚟到诊所。妈妈个样非常非常非常攰：“姑娘，小朋友睇呀，睇过嘅，系咪好快有得睇？”我：“等四个，你有冇佢张覆诊卡？”佢：“冇呀，唔知摆咗喺边啦”我：“咁麻烦你讲个登记电话号码我知啊”佢：“XXXX-XXXX”我：“揾到㗎啦，转头俾返张覆诊卡你啊”佢：“嗯”

佢拖住小朋友行去坐低，喺等候期间，妈妈一直闭目养神，小朋友就眼仔碌碌周围望，有时仲会偷望吓妈妈。我：“太太，可以入去见医生啦”咦？真系瞓著咗㖞。嗌都冇反应～我望望小朋友，小朋友望望我，再望望妈妈，拉拉佢嘅衣角。小朋友边拉边细声嗌：“妈咪，入得去啦”妈妈睡眼惺忪企起身：“嗯”

睇完医生后，佢哋出嚟等药。妈妈继续边闭目养神边等呀等～又系我嗌醒佢：“可以攞药啦”再一次唔醒…今次小朋友冇再扯妈妈件衫～冇再嗌佢起身。佢喺妈妈手袋拎出银包，自己一个行埋嚟同我讲：“我可唔可以自己攞？”我：“你知道啲药点食就得㗎啦”佢大力点头。我：“全部药每日四次，每次食一匙满嘅，呢枝系退烧止痛，你有需要先食就得㗎啦，仲有今日听日两日病假纸我放埋喺袋入面。”佢望住我停顿了。我：“做咩呀？有啲咩问题？”佢：“张纸...”

我喺袋入面拎返张病假纸出嚟：“呢张？做咩呀？”

佢：“系咪写我名㗎？我就可以唔返学？”

我：“梗系啦～你睇吓有冇写错你名？”

佢：“写妈咪爹哋名得唔得㗎？”

我：“唔得㗎～系你睇嘅就要写你名㗎啦。你妈咪爹哋唔舒服嘅就要嚟睇医生先可以写佢哋名～”

佢：“我好耐冇见过妈咪爹哋一齐唔驶返工...” 佢：“爹哋应承咗同我去玩...”

妈妈起身了，佢行埋嚟：“我听唔到你嗌我嘅，唔好意思呀”我：“小朋友佢自己嚟咗攞药啦，佢好叻呀，太太你睇嚟好唔够休息咁㖞？”佢唔好意思：“返工忙呀嘛”我：“你又返工又凑佢咁劲嘅～”佢：“唔系呀，学校突然打嚟嗌我接佢去睇医生，我攞钟走出嚟咋，转头凑佢去奶奶度㗎啦”我正想开口，佢打断我：“姑娘，都系三百呀可？得㗎啦可？我哋赶时间去嫲嫲度呀，同姑娘讲拜拜啦”

小朋友继续手拎住张病假纸，一直望住离开诊所。

（节录自专页“诊所低能奇观”​）

不少家长见到此Po文，都纷纷留言表示见到流泪，而且更有一批人大呻香港不适合生小朋友，又坦言做父母是辛苦。而Po文令到大部分家长反省自己已经很久没有陪小朋友去玩了。

【相关文章】：【有洋葱】小朋友见父母耐冇放假　叫护士写父母名落病假纸