瞩目配角｜何绮云独特爱情观　拍拖28年未婚：系一齐住嘅屋企人

何绮云与记者相约初三，即是二月十四情人节做访问，对情侣来说，这一天应该是两口子甜蜜的时光，而不是做访问，工作的好日子。果不其然，当天何绮云约了不少客人在水晶店交收情人节花朵，莫非在爱情与事业之间，她较偏重于事业？

我哋已经好似屋企人一样，生活喺同一间屋入面

何绮云与男朋友拍拖差不多有28年，甚至久远到连她本人都不太记得确切时间，虽然他俩尚未拉埋天窗，但用“老夫老妻”去形容就再适合不过。她说：“咪生活喺同一间屋咁啰，就算一齐生活而家都好少见到面，因为我有咗自己水晶店。以前都会间唔中食吓饭，而家就真系要等我生日或者佢生日，先会正正经经约埋一齐食饭。”看似疏离，但又维持住一个微妙的平衡。

同住一个屋簷下，为什么不煮饭享受一下浪费时光？她坦言是因为两人的习惯不同：“有时煮咗出嚟，佢又唔钟意我督促佢食。我唔钟意摊冻晒先食，咁佢又唔钟意即刻食，有时生果汁打咗出嚟，经过氧化就冇晒营养，但系佢又唔知点解唔会即刻饮，佢又唔知我为佢好...”所以久以久之，他们就习惯了各自揾食，各有各煮的习惯，我有我煮饭，你有你自己落街食饭。

再喺埋一齐，最大嘅原因系习惯咗

何绮云形容她与男朋友的关系，就似是“生活喺同一间屋的屋企人”：“大家一齐太多年，已经好熟悉大家性格脾气，我哋啲猫又好似小朋友咁，而另一半就好似喺个井底，哈哈，我相信佢都唔介意。”

拍拖28年，其实他们也分开过三年，感情曾经出现过裂痕。她说：“一齐咗17年左右，我哋散过三年，但系点解会再喺埋一齐？缘份一定有，但系最大嘅原因系大家习惯咗，唔想改变生活模式。其他人可能未必get到，可能会觉得好怪，但系由啱啱有嘅爱情，到淡咗，跟住再点样磨合，成为生活上嘅伴侣，再到两个人生活真系唔容易。我相信两个人一齐生活一定好过一个人，大家有个照应嘛。”

合则来不合则去，唔会话一结就一生一世

大部份拍拖数年就会结婚，短就一年，长则十年，但绝少数人会坚持28年。何绮云就以“过来人”分享：“我真系唔需要呢样嘢（结婚），我又冇谂住生小朋友。要生小朋友就话要做结婚呢个step，但系我真系冇，爸爸妈妈又冇话要我结婚，佢（男朋友）又冇咁嘅要求。而家去咗另一个阶段，钟意同屋企人食嘢，钟意猫吖咁样，所以我都话佢个地位已经喺井底，可能佢都觉得我好难顶。”

何绮云的爱情观可以称得上是“佛系”，或者一张结婚纸已对她不再重要。她只说，如果男朋友有要求就结婚，没有就维持现状，但最先开口的一定不会是她：“合则来不合则去，唔会话一结就一生一世。”

点击睇何绮云演出：

点击睇何绮云靓相：