瞩目配角｜何绮云叹唔识TVB生存法则：做世界仔女先系正常态度
何绮云，身高接近一米八，拥有标准模特儿骨架，初见面时散发出一种“生人勿近”的气息，尤其是她没有表情的时候。这个“第一印象”当然并没有持续太久，访问当天是情人节，见面第一句她就说：“Hi！等咗好耐？你哋钟唔钟意水晶？”随后递上一件小型水晶摆设，原来是想送情人节礼物。她说：“唔钟意嘅送畀妈妈都得！”热情得很。
场地提供：Yeewan of Savannah
访问前看过不少报道，何绮云说过自己入行初期不懂“打交道”，看来与事实确有些少出入，最少她听过“礼多人不怪”这句说话。未开始访问前，记耆问道：“情人节都要开工？唔同男朋友庆祝？”她笑着回答：“都廿几年啦，老夫老妻咁。”
入行20年
隔了一会客人渐渐散去，才正式开始访问。记者问：“妳入咗行几耐？”何绮云打了个突，想了一会才说：“入咗行都差唔多有...20年？01年入TVB，即系出年攞20年金牌！”入TVB工作，每个艺员每过10年都可以获得一块“10年金牌”，以作纪念，基本上得到金牌的都可称作是“资深员工”。
入TVB收入减半
要讲何绮云因何而入行，其实就真的是误打误撞。她说，中学毕业后想工作时，却意外地在街边被模特儿星探发掘，顺利成章就做了模特儿。“𠮶时做Model应该系我最丰盛嘅时期，好多好多Model工作。我谂𠮶时廿几年前，自己平均都有三四万一个月，做亲casting都系十个中八个。”
她说，后来有一天模特儿公司表示TVB有casting工作，问她去不去。何绮云当时想了一想，就去了：“顺住自己感觉，𠮶时我冇乜经济负担，又唔系限死要畀几钱家用，同埋当时我已经同男朋友一齐住又唔使交租，所以就入去试下啰。”自始她就开始了自己演戏生涯，不过入行后只有一年她就发现了一个问题。
何绮云拍戏唔为钱
“牺牲好大，因为入咗TVB！啲人开始唔钟意用你拍广告，觉得你唔系佢哋想要𠮶类型。”看来事与愿违，在电视机出现后，广告商就将她觉得她不像是模特儿，而没有用她。她说：“但系𠮶时都拣咗入嚟，觉得自己都几适合呢样嘢，又唔惊镜头，就系傻傻哋咁样（入咗TVB）。冇钱㗎，个个都知，TVB系少林寺，训练嚟㗎嘛。人工真系一半都冇纯系钟意做戏。”她解释演戏可以带给欢乐之余，也是释放自己另一面的一种渠道。
入行后被家人误会贪慕虚荣
入行后人工“冇咁大半”，原来她的家人也十分反对。“佢哋会觉得我：‘都唔知你系咪贪慕虚荣！’我会感觉到佢哋唔想我做TVB，𠮶时佢哋唔谅解我，我又会好傻咁谂希望自己可以默默耕耘咁做，我觉得我有一日会成功。”正因为如此，何绮云与家人之间出现了隔膜，整整十年都甚少与家人联络。
头十年与家人关系疏离
“头𠮶十年我好少同屋企人联络，因为见到佢哋，个感觉又唔会开心。过年过节都会返一返去，但系有时妈妈打电话嚟，我就会揾借口，‘好忙吖’𠮶啲，其实我系逃避紧佢哋，因为好惊。我做紧啲佢哋唔系我咁想做嘅嘢，但系我个人又唔系咁钟意解释。”
“点解要逃避？”她解释是因为自己拿不出应有的成绩，去证明自己不是“贪慕虚荣”：“头十年我做嘅角色三个字就形容到：茄呢啡，但系佢哋唔明我挨呢三个字都好难。”
自言不懂TVB高层交际应酬
大家都会听过，在TVB做艺员，有个“要讨好高层”的不成文惯例。意思并不是说需要艺员陪饮陪食，而是艺员多点“打招呼”，尽可能让监制或高层认识你，继而得到多些工作机会。不过这也是何绮云缺少，或者说是她不懂的地方。她说：“而家话咩世界仔世界女，其实态度系正常㗎，但系我𠮶时冇，冇醒觉，变咗头𠮶十年条路好难行。”
慢热性格阻星途
何绮云笑说，当时自己不懂人情世故之余，脸上还经常不觉得露出那个模特儿才有的“cool样”：“后期啲人同我熟咗，先话返畀我知话我唔出声，成日唔知只眼反咗去边咁，而家谂返，𠮶时唔俾人抄都好好彩。出Event我认为自己全程喺度笑，点知原来有人觉得我嬲紧，后尾先慢慢调较返，入咗行十年先变。”她还解释，是因为自己是“唔够热情，怕羞”：“到而家我同监制或者高层倾计我会觉得好尴尬，我觉得好似要求紧某啲嘢咁，我会惊，会成块耳仔都红晒！”
之后有没有改变？她自言是分别不大，不过最起码出event时会笑脸迎人，不会“吓走啲fans”，既然知道问题就应该去改。她说：“以我咁嘅性格，喺度（TVB）生存到20年都好叻㗎啦，因为我唔系好识讨人欢喜或者见到你就好识氹你。我唔抗拒（同人social）呢样嘢，但系有时做得唔靓就宁愿唔好做。而家公司啲人已经接纳咗‘何绮云系一个怪人。’哈哈哈，已经唔会觉得我冇礼貌。”
终于，经过10年时间后，何绮云才挨出头来，不再需要做“跑龙套”，渐渐获得一些戏份稍多的角色，与家人的关系也渐渐好起来。
因被网民攻击 从此不敢上讨论区
20年演艺生涯，她表示自己最难堪的时间莫过于是2008年《与敌同行》播出后，被网民闹到一文不值的时候：“拍咗嘢咁耐，有一段时间好惊喺电视机睇到自己，我畀出面攻击得好劲，到今时今日我都唔敢睇出面讨论区，𠮶时我仲喺记招喊吖！”
得珍姐安排拍处境剧
幸而那次之后何绮云就获加入拍摄处境剧的机会。她形容这个工作机会为人生的转捩点：“当时又唔知点解，对你唔望一眼嘅珍姐又摆咗我入处境喜剧。我好肯定，如果珍姐唔捞一捞我，肯定冇人会用我。其实喺《毕打自己人》入面，我都经历咗好长嘅冇乜对白嘅时期，我谂我系得一集有自己嘅故事，不过唔难挨嘅，因为sitcom好处就系就算你冇乜戏，啲人成日都会见到你，好入屋。”
做了20年配角，其实何绮云都有一个做主角的梦：“公司会觉得我呢个人，系实净嘅系做戏嘅，所以基本嘢我有自己个位，不过随缘啦，我都想做主角嘅。我未死𠮶日都会继续等，哈哈。”