韩团MAMAMOO辉人出战冬奥竞速滑冰夺金　定同金雅朗系失散姊妹？

2018平昌冬季奥运会仲有4日就会进行闭幕礼，韩国冰上女王金妍儿、日本冰上王者男子花式溜冰金牌得主羽生结弦、银牌得主宇野昌磨，都系大家近日纷纷讨论嘅对象。而昨日（20日）女子短道竞速滑冰3,000米接力赛就由韩国队夺得金牌，当中就有粉丝发现，原来韩国队入面嘅金雅朗（音译）选手，同韩国女团MAMAMOO成员辉人好似样！

MAMAMOO辉人同金雅朗都系1995年出生，故乡更同是韩国全罗北道全州市，出身年份同地点，加上外貌又相似，真系话佢哋系两姊妹都有人信！就连MAMAMOO辉人同金雅朗两人嘅名字，都同时登上韩国Naver热搜。另外，金雅朗亦系2018平昌冬季奥运会传递圣火嘅其中一名火炬手，而有粉丝就影到金雅朗比赛用嘅头盔原来印有黄色丝带，相信系纪念世越号沉船事件，非常善良！

其实MAMAMOO辉人同金雅朗笑起上嚟就最神似，唔知经粉丝推上Naver热搜之后，两人会唔会都想见个面名，睇睇“另一个自己”呢？而MOO（MAMAMOO粉丝）又会唔会想睇下辉人溜冰呢？仲可以叫埋金雅朗教辉人添，一定好有趣呢！

平昌冬奥尹诚彬俯式冰橇夺金　Iron Man导演Jon Favreau都有留意

下载《香港01》App，更多韩星靓相、影片率先睇！

http://bit.ly/HK01_App

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/