容祖儿演唱会｜离奇飞咪掉中观众　吓到惨叫：心脏停止跳动2秒

容祖儿在演艺学院举行的34场《ANOTHER SIDE...... JOEY · MY SECRET · LIVE》演唱会昨晚唱到第23场，一向表现专业的她，昨晚就发生离奇甩辘事件，祖儿在大合唱Medley环节中，唱到《连续剧》时，竟突然将成支咪抛了落台，掷中头排观众！

容祖儿吓到尖叫，擘大个口得个窿，人都震，之后粉丝把咪递上，祖儿除了慰问该名粉丝：“有冇整亲你呀？”亦立即拍一拍咪确保支咪冇坏，并笑说：“吓死我呀！”

她把当时的片段放到IG，并写下：“唔好睇我喺台上咁醒目，其实一直以来我有个花名叫da la di la，做什么都伦伦尽尽（遴遴迍迍），斟水饮会倒泻水，攞乜都会掉在地上，食饭嘅时候俾我阿妈话下巴系咪穿窿。啲朋友话跟住我尾一定会执到宝，正所谓要发生，始终发生，琴晚encore 时分我终于将成枝咪凌空飞落地下嘅滋味，望住佢由高处抛物线跌落地下𠮶一个瞬间，成个画面同攞错颜色购物袋一样咁surreal，当时我嘅心脏足足停止跳动左2秒🥶好彩无扑穿第一行朋友个头，佢仲好醒目仔咁即刻俾返我🫡成件事好rock⚡️⚡️鬼叫大家咁high，High到我枝咪stage diving，在我身上，真系，Nothing is impossible”

早前美国饶舌女歌手Cardi B，因表演时被台下观众泼水，嬲到当场掉咪，林家谦就留言：“siu4（笑死） Cardi J”、许廷铿也表示：“你𠮶吓尖叫好好Loop”、朱薰则谓：“睇唔穿支咪系点解会咁样飞出去嘅🤡”很多观众都认为始终想不透为何会成支咪飞落台，更有人问会否是灵异事件。