王祖蓝恶搞谢霆锋变《13道疯味》　玩食字搞gag自己笑

近年转战饮食界的谢霆锋，早前在他的节目《锋味厨房》，凭著一道西餐“威灵顿牛肉”而打响名堂。他的磨刀技巧最为出名，似是向神台级厨神Gordon Ramsay致敬。其后网民看得意犹未尽，纷纷回顾霆锋过往在节目展示过的“独有厨食技能”：包括揈蕉、拍匙点缀食物法等，让人叹为观止。

自从霆锋使出独有磨刀秘技之后，相信不少网民会引颈以待，期待霆锋紧接下来还有什么独门的煮食秘技。不过，观众又不用太心急，正版霆锋未献新猷，都可以睇下山寨版。说的就是同样在大陆捞得唔错、恶搞搞到出晒名的王祖蓝，眼见霆锋chok住煮𩠌，不禁食指大动，恶搞多套《十三道疯味》。

祖蓝早在一年前，已经恶搞过霆锋几次。近日霆锋成为热话，吸引不少网民翻睇相关片段。祖蓝在造型上跟到足，头夹住蝴蝶结发夹，扮晒Kawaii。虽然他唔多识煮𩠌，但恶搞都会同“食”有关，就同大家玩“食字”！所谓桥唔怕旧，有内地网民都几受，就好似其中一集，王祖蓝示范煮羊腩，讲到羊腩可以暖心胃，简称“暖腩”（暖男）。唔知大家觉得好唔好笑？之后祖蓝再讲多句：“如果羊腩跟花心大萝卜一起煮，就会变‘渣腩’（渣男）。”空气好似静止了，所以王祖蓝几大都自己笑咗先。其后王祖蓝自抽一下，将个梨放在羊腩上面，叫做“梨压腩”，食老婆李亚男字，放闪放到出晒面，最后用大火煮羊腩，呢招叫“旺煮腩”（王祖蓝）。唔知大家睇完受唔受落，由李亚男变成王祖蓝，呢种曲线放闪方法，真系第一次见。其后有网民睇完就留言表示：“王祖蓝做到霆锋煮嘢食都要chok嘅feel做到出嚟。”都算系咁啦，唔讲咁多，即刻去片。