古惑仔开片|卢惠光初到港做包装 贪免费操拳︰208磅肥佬变拳王

撰文: 沈洛嘉
出版:更新:

全新栏目《古惑仔开片》,首集找来“太子哥”卢惠光接受《香港01》访问,上集讲到他电影生涯中受过不同大小的伤患,在片场见尽一众龙虎武师为了电影拍到断手断脚的辛苦,今集卢惠光就罕有地跟大家谈家事,谈父子,看看这位人前凶神恶煞的“太子”,私下变成一位“带子雄郎”。

因为妈妈,当初卢惠光决意留在香港。(叶志明 摄)

事实上卢惠光出生于柬埔寨,在泰国长大,父母经营全寮国最出名的咖啡店。基于寮国是法国殖民地可以申请移民及免费读书,后来卢惠光一家打算经香港去法国,最终因为妈妈非常怕冻而告吹,跟妈妈感情非常好的卢惠光:“你去我就去,你唔去我就唔去,总知妈妈话去先会去。”最终一家人决意留港。

古惑仔开片|卢惠光险被踢断颈下半身郁唔到 “听到𡆀一声晕低”

卢惠光表示当初言语不通,生活上遇到不少麻烦,所以就下定决心去学好广东话。(叶志明 摄)

唔识讲广东话︰“食足排骨饭两个月”

18岁来港的卢惠光一句广东话都唔识,他自言完全唔想同人交谈。“香港第一份工系亲戚朋友介绍,喺观塘鸿图道工厂做包装。每次搭䢂返工啲人都问‘新嚟㗎?’完全唔识答,一句都听唔明,所以我一入䢂就扮绑鞋带,根本都唔想同人倾偈。后来都系睇下电视,识到朋友先会慢慢讲下。”

不过问到卢惠光最搞笑的广东话经历是甚么,他笑言同食有关。“因为唔识讲其他,我试过食排骨饭食足两个月,食到人哋都同我讲‘老友转其他啦’,我又唔知佢问我乜,净系识答排骨饭,而家谂返起都觉得自己好搞笑。”

卢惠光曾蝉联香港七届泰拳拳王。(叶志明 摄)

蝉联香港七届泰拳拳王 卢惠光:我从来都唔觉得自己好劲

事实上卢惠光一开始并不是打拳出身,当时208磅的卢惠光帮朋友做带街兼翻译,带一班泰国拳手上拳馆练拳,自己又踢下沙包,谁知就被苏师父睇中:“𡃁仔,如果他有兴趣上嚟练,唔收你钱。”

四十年前操拳一次都要收百零二百元,刚好悭返一笔,卢惠光更由208磅操足6个多月,减了60多磅,变成140多磅,肥仔大变身成冇脂肪。开始识打拳后就被人落嘴头叫去打比赛,而且输赢都有$500收,最终83年踏上擂台,蝉联足香港七届泰拳拳王,卢惠光:“我从来都唔觉得自己好劲,当年喺香港做拳手好惨,又要打工又要打拳,有时要打工就打唔到拳,自己系一路好运,一路打一路赢,自己磅数(145磅)的拳手又唔多。”

当日访问细仔Jovan都有陪住爸爸。(叶志明 摄)

教仔有自己一套

而当问到有没有带埋大仔Jacky同细仔Jovan一齐打拳时,卢惠光回应:“以前佢哋细个有教佢哋打,都打得唔错㗎,好彩佢哋唔肯打,我惊佢哋真系钟意咗,之后去打擂台就真系死得喇。(系咪惊囝囝受伤?)紧系啦!我日日帮佢哋拉一字马,仲拉得好靓,不过而家唔得喇大个晒。”

再问到如果囝囝有兴趣入行拍戏的话,卢惠光表示自己从来唔会反对两个仔做任何事,除了犯法或者他不喜欢的事,当然需要互相沟通,他补充小朋友一定要由细教起,自知教仔方法与外界相比不合理,但却受儿子欣赏。大仔在英国读书,曾跟爸爸说:“嚟到英国觉得你嘅教导好合理,我今日咁有礼貌都系因为你。”他坦言自己都会发烂渣,但提醒过仔仔一见到他讲粗口就要远离自己,要待事后大家心平气和才再倾谈,同时避免自己当场发更大嘅火。

卢惠光自言冇打过,除了有一次大仔驳嘴,令他一下子非常火大将他掟上碌架床。(叶志明 摄)

两个仔在单亲家庭长大:要慢慢适应同补偿返俾佢哋

卢惠光自言教仔冇打过仔,除了一次因为大仔驳嘴,令他一下子非常火大,将他一下掟上碌架床,大仔吓到当堂呆了,不过他讲到:“我知道掟上去有枕头垫着,所以系安全嘅。不过佢就呆晒,净系坐喺床上面望住我,都知佢吓亲。”

言谈之间完全感受到卢惠光对两个仔仔爱护有加,卢惠光跟前妻黎淑贤于2006年离婚,黎在细仔出生后不久,2007年再婚。卢惠光坦言只得自己一人,两个仔由细跟他长大,加上单亲家庭的关系,百分之百爱锡他们。“我都想廿四小时陪住佢哋,但会冇钱,我尽我所能从来都冇放低下佢哋,只系要拍戏揾食,一个养两个,所以就冇时间陪佢哋,呢样都系我最失望,因为要揾钱,从来冇点陪佢哋庆祝,一年都未必同佢哋睇到五次戏,呢个系最需要慢慢适应同补偿返俾佢哋。”

点击睇更多:

+14

Credit:
Teddy Boy Cafe
友情岁月古惑仔漫画主题冰室