星光熠熠｜张天赋曾比特首度登红馆合唱：唱到自己歌绝对系成就
撰文： 刘传谦
出版：更新：
《星光熠熠耀保良》昨晚（28/11）在红馆举行，两位男新人王热门人选曾比特（Mike）和张天赋（MC）同样首次登上红馆献唱，Mike直言感到震撼、兴奋：“细个真系睇骚就睇得多，都会希望自己可以喺呢个台上面唱歌，毕竟呢个系香港最大嘅舞台。今日可以真系企喺度唱歌系好开心，加上呢个表演咁有意义，成件事就好似有加乘效果，好兴奋。”
MC则说上台一刻能马上忘记紧张感觉：“感觉系好意外，因为我临出场嘅时候好紧张，但系一踏出去见到好多观众，呢种感觉系覆盖咗紧张嘅情绪。同埋舞台比我想像中大好多，之前彩排都知道大概系点，但系当有观众喺度嘅时候，加上多咗灯光效果，成件事会觉得好靓、好震撼，好期待可以再踏上。”
昨晚其中一部份，MC和Mike先后合唱《我不如》和《反对无效》，前者觉得机会难得：“喺红馆唱到自己嘅歌已经系非常荣幸、开心嘅事，今次唔止唱一首，仲可以唱埋佢𠮶首，所以更加开心。我哋系今年新人，当然仲有好长嘅路，但系依家已经可以喺红馆唱到自己歌，绝对系一个成就。”Mike补充说，这次是出道以来首度合作：“大家唱对方嘅歌，感觉真系好唔同，本身已经好少有机会有呢类型嘅crossover，今次仲要唱人哋嘅歌，成个感觉几特别。”
至于问到年底乐坛颁奖礼中，谁较大机会赢新人奖时，Mike先说今日看到很多MC的歌迷，更在观众席中预祝MC 后日（1/12）生日快乐，觉得对方机会不少。MC除了感谢歌迷支持，也说自己对奖项抱平常心：“我嘅宗旨系做好我嘅音乐。”Mike则说二人在出道前已经相识，在颁奖礼中会有种重聚的感觉：“我觉得唔应该用一个竞争嘅心态参与，反而系好似大家一齐去毕业旅行咁玩嘅感觉。”