夏韶声演唱会|Joey Tang先休息再谂检查伤势:瞓唔好会影响演出
撰文: 刘传谦
出版:更新:
《ARRIVAL ∞ DEPARTURE 夏韶声 X JOEY TANG LIVE 2021》昨晚(12/11)在九展Star Hall顺利举行第一场,当晚看到Joey Tang(邓建明)下台时不慎失足,虽然余下时间仍能带伤上阵,但外界也非常担心其伤势会否影响明晚表演。
夏韶声演唱会|Joey Tang落台跌伤照顶硬上:睇紧自己只手有冇断
Joey和夏韶声(Danny)在骚后一同接受传媒访问,前者在见记者时拿著冰袋冰敷左手,期间医生也有为他检查伤势。Joey在访问中谈起事发经过:“今次系因为我记错嘢,本身系话喺楼梯走,但系我以为前面都有楼梯。其实彩排嘅时候我试过喺台前面上去,谂谂下觉得喺呢度走都好正。𠮶阵我有用到脚探下路,发觉下面真系冇嘢,就落咗去。冇嘢嘅,试得出呢几年嘅运动,同埋最近教练嘅心肺训练都可以保护到自己(Danny:反应快咗)唔系啦,如果系反应快就唔会落去啦!”
在台上的Danny坦言起初并不知道意外发生:“现场观众唔好怪我点解佢跌亲,我仲可以喺台度哈哈笑,因为我真系见唔到,只系隐约见到有个人喺台下路过。”往后Joey左手只能用没有受伤的三只手指继续表演,他听闻当晚观众觉得《交叉点》的表现比原版好,Danny即笑指:“我都觉得《交叉点》硬系有啲问题㗎啦,好似真系有啲味道,不过专业嘅乐手就系咁。”
Joey透露本来主办单位希望他不要再回到台上,但他认为对表演影响不大,于是决定带伤上阵。他又希望等到明早再决定是否到医院进一步检查伤势:“我想今晚休息先,就算听日真系弹唔到,起码我都可以唱;但系如果瞓得唔好嘅话,唱方面就会有影响。今晚我会休息咗先,当然唔希望夜啲就痛到要去检查,如果听朝仲系痛嘅咪去啰。(听晚唔够胆再咁行落台?)我会跳落去,哈哈。”