夏韶声演唱会｜Joey Tang落台跌伤照顶硬上：睇紧自己只手有冇断

《ARRIVAL ∞ DEPARTURE 夏韶声 X JOEY TANG LIVE 2021》今晚（12/11）在九展Star Hall举行，演唱会第二部份就轮到Joey Tang（邓建明）出场。下台前，夏韶声（Danny）也说，庆幸自己生活喺高速世界：后生仔话我哋做嘢嘅方法已经唔啱，但系佢哋口中嘅方法，我哋一样都做得到。”

Joey先以《Comfortably Numb》与观众打招呼，随后他放下结他，唱起《飞机场的10:30》。他说开骚前本来想买新波鞋，但本来的卖家已经移民，谈话间又想起自己的儿子：“我已经有年半冇见过我个仔，不过唔紧要，佢都有睇《Chill Club》。嚟紧几首歌都系网民话唱得几好嘅歌，就拣呢几首送畀我个仔。”在唱《假使世界原来不像你预期》前，Joey突然加插一段生日歌，希望祝自己生日快乐。随后Joey更唱起《孤独病》，说：“希望我个仔喺第二度唔会有呢个病。”而随后的《一家一减你》和《放弃我天地》，Joey指都是受妻子启发而创作：“因为个仔喺第二度，得返我哋两个，所以呢几年都多咗好多拗撬，好彩佢都肯让我，多谢你。”不过在转场一刻，Joey却不慎从舞台跌倒，幸好并无大碍，稍微敷冰后可以继续表演。

及后Danny唱起《狮子山下》，直言自己非常喜欢这首歌。在《Departure》后，Joey再回到台上，此时Danny不忘大赞后辈说：“你系得，你先可以挨到咁多年。唔系讲紧我呀，我呢啲叫死顶咋，赞自己系唔好嘅。”唱过《结他低泣时》后，Joey不禁笑说：“我用apps睇紧自己只手有冇断。”其后他们换上另一支结他，接连送上《开心的歌》、《过去是昨天》和《Nothing Is Impossible》，最后他们以《交叉点》结束今晚演出。

在观众大叫Encore下，Joey先再次登场，他指食指伤势并无影响，向台下观众派定心丸，随后更与观众一起合唱《每一句说话》，他直言：“今次系我听过最好听，咩痛都冇晒！”及后Danny再出场，一响起《童年时》，台下观众即显得非常雀跃，跟著大合唱，今晚演唱会也在这个愉快气氛下告一段落。