晚吹恋讲嘢｜郭奕芯自爆最Hurt感情经历：前男友同时有三个女朋友

ViuTV清谈节目《晚吹》将于本月24日（星期二）推出新栏目“恋讲嘢”，并由ERROR成员193（郭嘉骏）、“口罩小姐”冠军郑伊琪（Wayii／浩南）、谭凯伦（Helen）及郭奕芯（Ashina）担任主持，节目周六（14日）进行录影，三位女主持谈起最伤心的感情经历，浩南直言：“差唔多每次拍拖分手都系人哋提出，所以我应该被飞经历最多。”Helen亦爽直指：“好精彩，要几狗血都有，我会为爱痴狂。”Ashina淡然说：“最Hurt𠮶次不过于男朋友出轨再出轨，我发现佢神色有可疑，连出轨都原谅咗佢，但佢冇同个女仔斩缆，分手半年我先发现佢再同另一个女仔原来已经一齐半年，即系佢同时间有三个女朋友，好夸张！”

浩南日前透露男友已求婚成功，今日亦甜蜜透露“情况稳定”、“系佢㗎喇”，谈起准老公做过Sweet的事，她说：“对于佢嚟讲做嘢好重要，但我有事发生嘅时候佢可以放低工作，用好多时间去陪我，我哋曾经养大一只狗狗走咗，我崩溃到返唔到工，佢一直陪住我、亦都第一次见到佢喊，我见到男人（为我）喊，就觉得我喺佢心目中嘅地位都唔差！”Ashina续指自己只试过跟男朋友吵架时，对方不被信任委屈到哭：“我感动嘅，因为好少见男仔喊。”

点击图辑睇靓女相sss：

至于跟193合作的感受，Helen坦承先要沾沾他的名气，Ashina立刻冲口而出认同道：“佢而家咁正、咁多人钟意！”Helen爆料指Ashina拍摄《晚吹－恋讲嘢》第一则分享的动态为与193的双人合照，自己与Ashina相识多年社交媒体上一张合照都没有，记者问起193是不是Ashina的理想型，她直认：“我自己本身拣男朋友嘅准则系要有幽默感同高。”身旁的浩南附和道：“中咗㖞！好高又好幽默！”令Ashina惊慌指自己招架不住浩南的反应。