《声梦》潘静文落败后即获机会做儿童节目主持：感觉好似雪中送炭

于无线《声梦传奇》中落败的潘静文 (Sherman) 今日（31/07）为她有份主持的儿童节目《Hands Up》进行录影。她也是首位声梦学员担任节目主持的工作，她表示自己很喜欢小朋友：“我之前系读幼儿教育嘅，今次有得主持儿童节目好开心。”

问到她是如何获得这个机会，她说：“以我所知，可能系祖蓝同声梦监制亮哥讲起，佢都系儿童节目嘅监制，因为我喺声梦入面做主持嘅角色比较多，可能佢哋觉得我比较适合，无叫我去casting就揾咗我。”

Sherman又谓当日得知自己可以做这个节目主持，十分惊喜：“𠮶时畀人foul咗，觉得有啲失落同迷惘，两星期后我返去睇佢哋拍嘢，亮哥拉埋我一边同我讲话有个儿童节目主持嘅工作畀我，感觉好似雪中送炭咁样。”问到热爱唱歌的她可会想在乐坛发展，推出歌曲，她坦言：“绝对会想，想keep住唱歌，希望可以揾我唱下主题曲，想喺唱歌事业上发展，其实我对主持拍剧都有兴趣，综艺节目都想参与，想做一个多元化嘅艺人。（会唔会想认识祖蓝为自己争取下机会？）难啲，佢系高层，我只系新人，唔会自己争取，会等待公司安排同畀机会我。”

点击下图睇更多：