莫文蔚重返香港乐坛搞作多　20年后再出广东碟：冇理由得两只新歌

“我喺呢过去十几年，除咗而家呢段时间，基本上都冇停留过喺香港，一路都系出国语碟，同埋走紧Tour，所以（每次）返嚟香港都系返屋企睇下我阿妈，换啲行李，然后又要走。”近日积极筹备六月红馆骚（《绝色莫文蔚世界巡回演唱会香港站2021》）的莫文蔚（Karen）说。
对本地歌迷而言，Karen今趟回归香港乐坛，实在是久违了。数数手指，在《呼吸有害》横扫五台之前，对上一首派台的广东歌已是6年前与麦浚龙（Juno）合唱的《瑕疵》；对上一次在香港开骚，是《极度莫文蔚巡回演唱会》，16年前；对上一次推出的广东专辑《一朵金花》是2001年出品，足足20年前的事！所以她承认今次回港不会纯粹亮相乐坛颁奖礼和再踏红馆舞台，更会推出全新广东专辑。“嚟紧又有演唱会，冇理由得两首新广东歌㗎嘛！”
撰文：游大东

专访（上）︱莫文蔚6月红馆骚后告别大舞台　称见好就收：唔想死做烂做

专访（下）︱莫文蔚细诉5首广东旧歌的故事：希望作品唔会被时间淘汰！

因世纪疫情而成就的新广东专辑

事实上，Karen早前接受专访时已承认会出碟，并指新专辑属于细碟规模。相隔20年后再推出新广东专辑，Karen为这或多或少跟世纪疫情有关。“细个已考咗八级钢琴，疫情下练番琴，感觉似多番一样技能，而且（这回事）直接影响音乐创作。我一向好钟意将东西方或者一啲前卫音乐Mix埋一次，而家弹番古典乐谱，令我有好多想法，喺音乐创作上可以加好多唔同元素，都玩得几High。”

谈到新碟的合作伙伴，除了罗健成、邓智伟、庄冬昕（《呼吸有害》）；周耀辉、Coey Young、Bert、麦浚龙（《因一个人而流出一滴泪》）之外，也有本地新人，“我成日都有新识嘅艺人朋友，发现而家香港真系多咗好多Singer Song Writer，如果系啱倾嘅话，就睇下大家有冇机会夹歌，其实嚟紧已经会有。”

对新人要多鼓励：你要Groom你自己嘅Artist

虽然Karen没有透露更多细节，不过在众多新一代唱作人之中，她特别喜欢同属Sony Music的黄妍（Cath）。“我觉得佢好Talented，识作曲，识自弹自唱，又唱得好，又识画嘢同写嘢，乜都得，所以几喜欢呢个妹妹。”Karen又指，今次难得长时间留在香港，发现跟廿多年前她刚刚出道的时候相比，今天的本地乐坛变得更多元化，“当年（1993年）我初出道嘅时候，香港乐坛系好蓬勃，但（流行曲）来来去去都系𠮶啲类型，好大路嘅情歌、K歌，冇几耐我就去咗台湾，发觉当地好多唔同嘅音乐品种，Indie嘢又有、Band又有，有啲又好文人（风格），成件事就好好玩。”

Karen认为，说到音乐创作，文化土壤很重要，“你一定要成个环境（元素）好丰富，做Creative先可以挥得更好。”所以现时香港应该比当年好一点了吧？“我觉得Social Media嘅出现，系令大家多咗好多唔同渠道听唔同嘅嘢，接触多咗，你对音乐就自然会多咗睇法，自己唔会被局限。”当然，乐迷的眼光和心态上也要改变，对于本地创作，应该多加鼓励与支持。“我觉得大家可以Open Minded一啲，无论系听众定系呢个行业嘅人，都应该互相鼓励多啲。你要Groom（培养）你自己（地方）嘅Artist，要畀机会新人，如果唔系本地歌手好难长大。”

联合监制新歌　Juno为Karen“加戏”

谈到早前派台的《因一个人而流出一滴泪》，这是继《瑕疵》合唱后，6年来再与Juno合作。Karen坦言，全因Juno够诚意才成就这首新歌。“上次《瑕疪》系前菜，好正但唔够喉，撞啱旧年夏天英国封城时收到Juno嘅短讯，话有首歌好啱我唱，听完发现唔系一般嘅广东歌，旋律本身已经好有画面。”之后Karen与Juno不断以短讯往来，最终令本来未有打算回港的Karen返港录歌。

虽然今次新歌是Karen跟Juno联合监制，不过Karen笑指自己走进录音室后，立即变成一位听话的演员，其他事情都交予Juno拍板，她对Juno的判断力很有信心。原来录音期间，Juno更“加戏”让Karen演绎，Juno说：“歌曲开首Karen嘅心跳声夹杂巡唱里面听到嘅掌声、欢呼声，好似（同时）反映外面嘅世界同Karen嘅内心世界（扣连），然后Karen讲咗一句‘我返咗嚟’，再吸气开始唱⋯⋯我想首歌一开始系一个好有画面嘅前奏。”

两度合作后有默契　拍MV不如拍戏？

除此之外，Juno亦在歌曲中放大了Karen的吸气和呼气声，因为他觉得这些呼吸声都包含感情，再加上磅礡编曲，营造荡气回肠的感觉，这些细节不仅带动歌曲起承转合，亦捉紧听众的情绪，听到最后甚至会有种令人难以释怀的感觉。对于Juno的构思，Karen说是神来之笔，而向来专业的Karen，为了唱出最佳效果，在录音前要专注养声及培养情绪，形容好像要准备一次Live Show一样。

经过两次合作，Karen与Juno的默契与信任度大大提高，Juno更形容今次过程好像拍电影。被问到二人日后可会有更多不同范畴的尝试，例如拍摄MV，Karen即道：“拍MV？不如拍电影啦！”Juno认同：“既然要有故事情景角色个性，再合作就应该系拍电影喇。”Karen坦言：“都系时候喇！”且看二人将来会否在大银幕上有新搞作。

点击下列图辑，欣赏更多《因一个人而流出一滴泪》的精美照片：