奇情谷｜黄子桐自嘲“渣男吸磁” 常遇情骗：对方有老婆

黄子桐（Rachel）今日（24/3）现身将军澳电视城出席TVB Plus《奇情谷》节目记者会。讲到过去感情史，Rachel接受《香港01》访问时自嘲“渣男吸磁”，经常遇到渣男埋身力追：“以前细个嘅时候成日遇到，大家一齐之后，俾我发现有女朋友，仲话会为咗我会同女友分手，到最后冇分开之余仲生埋B。𠮶段情令到我好伤心。到人大个之后经历多咗，加上已经消咗磁，好多男人已经埋唔到身，因为知道乜嘢系衰人，例如佢一日只系揾你一两次，我好相信佢一定有第二个嘅。（可能对方工作好忙！）咁佢多唔多嘢做，我都会去了解亦会知。”

Rachel续说：“你有冇听话WiFi 时断时好啦，即系代表有人同你分享紧。佢哋点样渣男，对方系有老婆同有女朋友都会追我，同时都会表明自己有另一半。不过无论点都好，我自己都有原则，有女朋友同老婆嘅男人我系冇兴趣。”