奇情谷｜曾展望大爆朋友外国坐完监性别大逆转：变咗伪娘

曾展望（GM) 今日（24/3）现身将军澳电视城，出席其有份主持的TVB Plus《奇情谷》节目记者会。提到光怪陆离的感情故事，曾展望接受《香港01》访问时就大爆一宗奇情故事：“我朋友个哥哥系一个好斯文而且又系读IT出身嘅人，有一日佢突然之间就飞咗去法国参加雇佣兵去咗打仗，经历咗半年战役，佢死过翻生，决定选择做逃兵，成功离开险地。”

曾展望续说：“之后在网上透过社交网认咗个女仔，由法国飞咗去美国，点知后期因为家暴问题入狱。坐完监出嚟之后，有一日系我哋喺社交平台见到佢Po咗一张相，张相嘅佢变咗一个女仔咁，成个‘伪娘’咁嘅打扮，唔知佢喺坐监𠮶段时间发生咗啲乜事，令到佢突然变成咁，揾到另类嘅乐趣，如果你问我佢有冇变性，我就真系唔知。不过到而家佢都冇同屋企人联络过。”