【一秒拳王．专访】盼以热血鼓励港人　恒仔：一定要信港产片会得

由ToNick主音赵善恒（恒仔）自编自导，周国贤、Nonkul（查朗桑提纳托古）、林明祯和赵善恒主演的《一秒拳王》，原定上年底上画，受疫情封院影响，终于来到昨日（11日）顺利献映。电影亦被选为2020年香港亚洲电影节的闭幕电影，早前恒仔接受《香港01》访问，大谈拍摄《一秒拳王》的辛酸以及趣事。
摄影：叶志明

《一秒拳王》的诞生

恒仔率先讲到为何会开拍《一秒拳王》，原因是他拍完《救疆清道夫》后身体好差，拍戏时要挨更抵夜，过程中一路都有构思下一部电影要拍甚么，有日跑步时听着《洛奇》电影的歌曲，才开始谂不如拍打拳，因为《洛奇》带俾他的震撼度十分大，发现每一秒的决定都很重要，更试过有段时间好怕做任何事，因为一秒的影响很大，有好大压力，惊会做错决定，所以都用了不短的时间走返出来。

于是开始想，如果有个人拥有预知到一秒的能力，他的生活又会如何呢？所以初步构思用呢一秒去打拳又会发生甚么事？恒仔就开始练拳、做资料搜集、问过师傅：“如果我睇快一秒对打拳有冇帮助？”师父回应：“好大帮助！一秒可以打好多个combo，一秒可以打5、6拳。”就觉得这是个可行的意念，慢慢发展整个故事。

靠意志、队友刻服严格操练

恒仔以及其教练透露，拍摄《一秒拳王》前的操练完全按照真实拳手般去操，过程当然刻苦，不过就如同恒仔在预告中所说：“避唔到，一齐挨”一样，他笑言刻服苦练全靠意志。“其实都真系靠意志，同埋最初系自己谂故仔同操练，但去到落实咗某啲嘢时，一大班演员一齐去操，个个teamwork（团队精神）、热血、同埋你衰得俾人睇架嘛！一班男仔，你举（铁）10下，我就举12下，大家一齐去做，成件事个气氛系帮咗好多忙，因为你知道自己并唔系孤身作战，而系一齐去完全、做好一件事，所以系靠意志、朋友、队友去撑。”

背景相同促成两个男人浪漫的合作

对于《一秒拳王》中，周国贤有份演出令不少影迷都非常兴奋，问及恒仔点解会拣周国贤呢？他笑言：“咁啱呢秒遇上咗，真系缘份嚟！其实同Andy拍完都有保持联系，过程中建立了友谊，我哋嘅相遇好浪漫，大家背景相同都玩音乐做主音、拍MV做导演、做演员，就好似来自同一个星球，突然分开再来到地球再相遇，有好多默契、相似位、沟通，又发现原来大家都有听对方嘅歌，第一次见面已经好夹，由人生倾到大家面对紧嘅嘢。（点样倾得成合作？）当然我自己都好想揾周国贤，根住同电影公司沟通，知道佢都有兴趣就先约食饭，首次见面在酒吧倾了很久很久，周国贤一口应承，同样都吸收咗佢对角色嘅睇法再改剧本。”

拍《一秒拳王》最想鼓励大家

在新冠疫情之下，令到《一秒拳王》的上映十分反复，问到恒仔是否想借电影来鼓励大家时，他回应：“而家世界好乱，有好多我哋谂都冇谂过嘅事都变成现实，呢个都系之前一秒一秒咁累积落嚟，我相估将来都系靠我哋而家一秒一秒咁去改变，我真系相信我哋每一个人都有改变将来嘅一秒能力，我好想用呢部电影去讲俾大家听，俾啲力量大家去支撑落去。”

深信港产片一定会得

近年“香港电影业是否已死”成为了话题，争议纷纷，当问到恒仔觉得港产片仲得唔得时，他苦思一下：“难，但系我觉得（套戏）有诚意、有心，（观众）系会睇到嘅，其实都有好多好好嘅港产片，亦都有好多人继续努力紧，大家有冇愿意去留意呢？或者点解去建立返港产片嘅信誉，系要一齐去努力架，我都仲相信系会work嘅。因为我身边嘅朋友、对电影有热诚嘅朋友、喜欢香港电影嘅人，无论演员、制作嘅人都好畀心机咁做紧，继续做啰！反正得唔得都好，你信佢得就得架啦！你唔信佢得佢咪唔得啰！你问我信唔信我紧系信啦！你一定要信架！”

Credit：

Hair /make up：Kylah Chan Makeup and Art

访问场地：RisingStar Muaythai Gym

点击睇更多恒仔靓相：