港产片已死｜合拍题材类近难吸观众　田启文：一样嘅话使乜睇你

香港电台节目《视点31》昨日（9日）以“UA的离去 – 理想与现实；香港电影盛世？”为题，邀请到田启文（田鸡）、高志森、游学修@试当真、高先电影创办人兼董事总经理曾丽芬接受访问大谈香港电影业生态。

80、90年代香港电影扬威海外，1991、1992年间一年出产的港产片可多达300部，郑裕玲（Do Do姐）、吴君如可同时开拍9部戏，由盛世到目前大家都在讨论“香港电影业是否已死？”，游学修跟萧若元（萧生）拍片隔空激辩，再加上近日服务香港市民36年的UA电影宣布结业，再次引起大众市民热议。

香港电影要有所改变

对于这个话题，香港电影工作者总会会长田启文表示：“佢哋剥花生咋嘛，讲容乜易啫，边个唔识讲？如果用返以前嘅（标准），正如萧生讲‘冇（重返辉煌时光的可能），系零’佢唔系讲错，我同意佢嘅讲法，但系喺零嘅基础里面，如果我有改变，我咪唔系零啰。”

及后田鸡补充在80年代时，港产片拥有传统的东南亚及外埠市场，当年拍电影基本上有了组合，未拍已经赚钱，外埠已准备好资金买片，他笑言：“当年我手上同期拍紧3部戏都被人哋笑‘得3部咋你？’我徒弟拍紧5部，反问我师傅使唔使帮你接2部俾你啊？”正如当年时常都会听到郑裕玲（Do Do姐）、吴君如同时拍摄9部戏，电影业就是这样蓬勃。

今时今日拍唔返《无间道》

到了90年代开始跟内地合拍电影，当中就需要配合规举，色情内容、政治题材通通不能涉及，田鸡笑言：“咁咪唔好拍呢啲啰，所以不断拍警匪片。我相信我今日再攞《无间道》出嚟去合拍系唔拍得，‘点可能警队里面有卧底啊？你咁样中伤我哋。’电影系需要有矛盾，谂返转头，内地观众点解咁钟意睇香港片？就系因为喺内地睇唔到（呢啲题材），冇咁畅所欲言，你而家拍紧同内地一样嘅戏，我使乜睇香港电影啫？”

最后田鸡都有补充：“我哋唔好去记乜嘢叫香港电影，唔好有局限，一定要拍香港故仔，咁呢个先系香港电影，唔好咁谂，呢个系错误，我系一个香港人，我拍出嚟嘅电影就系香港电影啦！”

点击睇田鸡、杜琪峰、高志森言论：