王梓轩做矫视手术踢走大近视　过程胆战心惊：似拍迷幻MV！

王梓轩受七百多度近视缠绕多年，日前经过多番考量，决心扚起心肝做矫视手术，并拍片纪录。未入手术室时，梓轩直言十分紧张：“我好多年系大近视成七百几度，今日我准备去做矫视，㖊日就去咗检查眼角膜、瞳孔得唔得？我今次做Smile个手术，比起Lasik新啲，我戴眼镜二十几年，戴Con都戴咗好耐，之前拍剧、做运动都唔方便，所以把心一横做手术。”

经过半小时，手术大功告成，梓轩在休息室表示：“我而家感觉好似有好浅嘅近视，并灌了牛奶入眼里，有少许蒙眬，但比我冇戴眼镜好好多了。不过痛就唔系好痛，简单啲讲，就似发了一场梦，因为有个激光头逐渐‘队’埋你只眼度，最接近时会睇到好多颜色，有白色、绿色，然后割开眼角膜后，突然间一片白色，我初时都惊，咦！乜都睇唔见，之后睇到一啲黄色，又睇到橙又绿，好似睇80年代迷幻嘅MV，好多光咁，不过医生真系处理得好好，而家我可以重见光明。”