人妻朱慧敏拒绝以老公老婆相称：因为佢都冇叫我做老婆！

王贤志（Vinci)同朱慧敏(Queenie）今日（4/2）现身粉岭联和墟出席派米活动。Queenie刚成为人妻，笑言感觉得意：“我成日同陈医生（丈夫）讲虽然系多咗个身份，但系我依然系朱小姐。其实我之前未结婚嘅时候，我都有问佢过年时我派利是派姓朱，加派姓陈，佢都话冇问题。因为我觉得现代女性有自己嘅身份，咁唔系话我冇咗自己嘅身份，系人哋边个边个，只系我多咗陈家嘅新抱身份，佢都好认同。”

问到改口叫老公未？Queenie笑说：“因为佢都冇叫我做老婆，不过佢会叫我做太太，其实由细到大都唔明点解要叫老公老婆，大家都唔老，又唔系阿公，又唔系阿婆！”Vinci在旁笑说：“呢个就系广东话嘅典故啦！”