许廷铿直认细心 为旅伴设计“揾食路线图”：钟意分享好食嘅嘢！
许廷铿（Alfred）接受邀请，担任香港开电视新节目《旅游达人滞游香港》嘉宾，与主持兼好友、商台DJ谢茜嘉一同前往西贡民宿拍摄“在家度假”（Staycation）的实况。谢茜嘉同场受访时透露，自己曾与许廷铿四年前到新加坡和马来西亚工作，力证他是个超级细心的“旅游脚”。对此，Alfred一脸认真，直指谢茜嘉所言非虚：“我系㗎！”
撰文：游大东
到底有多细心呢？Alfred笑住解释，指自己非常热爱美食，所以旅行期间，一定要跟旅伴“开心Share”：“我喺准备嘢食方面系好细心，或者系准备餐厅。”意思是，他会认真到为对方设计“揾食路线图”，附设时间表，安排妥贴：“无论去到边度都会咁，譬如下昼就要食咗呢间（餐厅）先，因为佢哋三点之后就会落场，三点几之后可以去边呢？就系去另一间食件Cake，再之后呢我哋要唞一唞，之后傍晚六点钟就要再食嘢。”
记者好奇，这是否属于金牛座的处事方式？Alfred说可能是，但更重要是他有渴望分享的心。“我系钟意Plan好啲嘅，同埋我系钟意分享，即系我觉得好食嘅嘢，一来我想食，二来都想同人分享。”因为疫情缘故，激发Alfred对于煮食的兴趣，今次为拍节目，特别为好友谢茜嘉献上一道拿手菜 ── 卡邦尼意粉。“我自己试过呢个Recipe已经好多次，不过第一次煮畀佢食呢，因为啲鸡蛋唔系整到熟晒，如果听日佢个肚唔舒服呢，就好大机会系关我事。”
Alfred说，今次下厨炮制的卡邦尼意粉，是在YouTube看过十几条煮食短片之后，汇集各家之大成而写成的食谱，“精华到一个咩程度呢？主要材料得四样嘢，用番食材本身嘅质地，同埋散发出嚟嘅香味而烹调，既然嚟得民宿就冇理由煮九大簋，所以就简单啲，煮一个Homey，可以大家分享嘅一个Dish。”问他有没有兴趣跟随潮流，拍摄煮食短片？Alfred指早前已在IG分享过两条短片，网民反应较预期好，“原来大家都几Buy我呢个唔造作嘅样，所以嚟紧会喺YouTube Channel做多啲呢类短片。”参考Alfred的IG，他的全新企划“佛系游记”将于明晚（14/1）晚上8时公开，暂时未知会否包含煮食元素。
点击更多西贡采访现场实况：