谢茜嘉与摩洛哥丈夫新婚后唔怕闹交：谂唔到好多辞汇话佢！
世纪疫情持续，多国封关或启动隔离措施，有钱有假期一样冇得飞，对于平时热爱旅行的商台DJ谢茜嘉来说，可谓相当痛苦，故早前获香港开电视邀请为节目《旅游达人滞游香港》担任其中一位主持，她二话不说便答应。今天（13/1）她与制作团队，以及嘉宾许廷铿（Alfred），齐齐去到西贡区一家民宿拍摄“在家度假”（Staycation）的实况。
撰文：游大东
“最初以到开电视𠮶边提议，话不如喺香港拍一个旅游特辑，我就问香港有咩好玩？佢哋话：咪就系用你喺外国旅行嘅𠮶种方式，试下游览香港。”今时今日，全港所有电视台的旅游节目都要暂时“停工”，改为“就地取材”，别说不同电视台之间有竞争，就算同一条频道的出品都有机会“撞题”，问谢茜嘉如何突围，她说一字记之曰：真！
“呢个节目唔只系我（主持）嘅，另外仲有四位旅游达人（谢利、林辉、罗佩芝、陈韵行），我行嘅方向就系要真，即系人系要我同好熟嘅朋友一齐去Staycation，同埋冇包装，所以观众真系有机会见到我哋蓬头垢面，有少少真人骚Feel。”谈到何以邀请许廷铿任嘉宾？谢茜嘉坦言因为大家虽然很熟，但不常见面，“我哋两个之前真系好忙，冇得真系可以认真倾到偈，加上疫情下有限聚令，冇得见，咪乘机借拍呢个节目聚下。”
其实早于2017年，许廷铿为宣传加盟华纳后首张大碟《神奇之旅》，谢茜嘉以商台节目《叱咤乐坛》的名义，跟Alfred一同出埠前往新加坡和马来西亚，“我发觉呢只‘旅游脚’真系OK，佢好细心，又冇鼻鼾，再加上佢识得煮嘢食，起码三餐都唔使担心，所以当我知道要拍呢个节目嘅时候就谂，如果要去Staycation要揾边个，第一时间就谂起佢。”
许廷铿直认细心 为旅伴设计“揾食路线图”：钟意分享好食嘅嘢！
丈夫留港度岁 谢茜嘉：佢唔知要派利市㗎！
踏入2021年，谢茜嘉身份有变，闪嫁摩洛哥籍丈夫，成为Mrs Annouhi，她指因为疫情持续，所以丈夫暂时会留在香港一段时间，顺道庆祝新春，“其实佢而家都想返去摩洛哥嘅，因为佢喺𠮶边有啲事要处理，不过最新公布好似话喺国外返香港要隔离，去到3月底，一谂到如果再返嚟又要隔离21日，咁就唔走住，索性喺香港过埋年。”
她笑言，由一个人变成“阿太”之后，至今仍然有点不习惯，“唔惯系因为疫情，之前大家冇得见，要靠Video Call，而家佢已经企喺我隔篱。同外国人或者异地人拍拖甚至结婚都有个好处，就系嗌交嘅时候谂唔到好多辞汇去闹佢，佢亦都谂唔到好多辞汇去话我，所以大家会停一停，谂一谂，跟住会冷静落嚟，冇咁火爆。”
点击更多西贡采访现场实况：