【无线未接洽】胡诺言下年约满　挨足16年：唔希望嘥时间

近年不少无线小生花旦离巢北上掘金，造就很多机会给二三线上位，不过机会暂时未落到在无线16年的胡诺言(胡仔)身上。胡仔是亲生仔(经理人合约)，可惜代遇不似预期，虽然算剧接剧，但抢眼角色仍未有。胡仔下年中将会约满无线，而第三个小朋友亦快将出世，老婆又全力照顾小朋友，一家大细全靠他，压力当然大。

但39岁的胡仔最想要的不是钱，反而是演出机会，他说：“我做嘢唔系讲钱，我著重工作机会，因为担子就开始重喇，咁就想多啲工作层面做到，尤其是剧集想拍多少少，唔希望喺到嘥啲时间，想做啲自己想做嘅嘢，可能我之前嘅剧集都系行行企企，各样群戏我都做过喇，唔想再焗限啰。”

眼见好友袁伟豪、陈山聪、胡定欣都在电视台有一定位置，但胡仔还在等机会，他坦言以前会想太多，但现在只专心工作，他说：“年少𠮶阵都会谂嘅，点解人哋机会多过自己？依家就冇喇，佢哋（袁伟豪、陈山聪）付出咗好多㗎，我替佢哋高兴，反而自己谂是否装备未够呢？边方面再做好啲呢？可能系我个人太正经？个人放松会唔会发展好啲？但我唔会后悔，我个人就系咁，剩系识做，其他事都唔识，始终做演员好被动，做好自己，演好角色先系最重要。”

合约快满，但无线还未找胡诺言洽谈，反而不少国内制作公司已向胡仔“摸底”，他说:“可能都返过国内工作啦，有时约出嚟食饭都轻轻问下我去向，但我觉得无线系我首选，虽然佢哋未call我倾约，不过无TVB又点会有我？TVB都俾好多机会我，又识到我太太，跟住有个好家庭。当然知道大陆揾钱多，但讲紧系红星，我只不过系一个演员，都唔知去到咩价位，同埋香港工作系比较习惯，又可以陪到家人。”