【瞩目配角】49岁袁洁仪为三度流产自责：惊自己老咗成为老公负累
世界上原来真的有那么一种人，处处为别人着想，处处包容别人。亚姐出身的袁洁仪是当年亚视力捧的新人，对比起同届的冠军翁虹和亚军万绮雯更率先跑出有剧拍以及主持儿童节目，深受家庭观众欢迎。直到2002年，洁仪姐姐疑得罪亚视高层不获续约，之后接二连三经历失业、三度流产、好友自杀身亡......受尽打撃的洁仪姐姐继续坦然面对一切，在人生做好自己每一个角色。
“直到佢自杀死𠮶刻，我都谂起闹我𠮶人，我一路咁多年以来都冇放低过……点解你要闹到“肥豹”有情绪病？”洁仪姐姐与钟慧宁（肥豹）合作《今日睇真D》而成为好友，当得知对方疑受情绪病困扰于2014年在寓所堕楼身亡，事隔多年洁仪姐姐始终心结难解：“当时成个大环境都唔好，公司要裁员。我哋啲人工都减到好低，于是乎经理人就放返我哋出去自己接活动做嘢，弥补返人工嘅不足。”
被亚视高层“照肺” 爆成肥豹情绪问题根源
但洁仪姐姐与肥豹在外面密密接Job一事，却遭到当时亚视高层不满：“高层有啲微言，喺度闹闹闹，话你哋其实都系亚视出紧粮畀你哋，如果亚视有啲乜嘢都要第一时间以亚视为先……叫我哋返嚟就好似有少少‘照肺’，一路系咁闹闹闹……之后真系收到亚视唔同我续约，肥豹都系一样结果……由𠮶次开始肥豹就情绪有问题。呢个心结，直到佢自杀死𠮶刻，我都谂起闹我𠮶人，我一路咁多年以来都冇放低过。”
点撃下图睇洁仪姐姐作品！
感激被骂醒转返内地揾食：比一般中学毕业揾得仲多！
不获亚视续约，洁仪姐姐开始到内地四出登台“揾食”。直到去年，她在TVB剧集《逆缘》的庆功宴上，听到编审的一席话后，埋藏多年的心结终于被解开：“其实‘逆缘’的意思即系，虽然缘分和你有很大的偏差，但偏差中可以带到一个好好嘅讯息畀你。跟住我就谂，系㖞，虽然佢好似不停咁闹闹闹……个方式令人好难接受。但如果冇佢咁闹法，我唔会咁大胆，国内一啲好偏远嘅地方我都照去，我目的系咩呀？我就系为揾钱咋嘛，比一般中学毕业揾得仲多添，咁你仲想点呢？自此之后，因为《逆缘》，我就放低咗，我就唔会再憎恨呢个人，反而我仲会好多谢佢。”
三度流产有阴影 怕成负累望老公包二奶
在内地登台期间，洁仪姐姐在机缘巧合下邂逅做武警的老公，二人原本以为双喜临门，怎料在排期结婚期间发现BB没有心跳，要自然流产，前后三度怀孕，惟都未能保住胎儿，受尽打撃。由于怕自己成为老公的负累，洁仪姐姐萌生一个奇怪的想法：“以前古代𠮶啲人都系三妻四妾，我老公多一个都好呀！因为我老公比我年纪细，成日惊我一老会带畀佢一啲负累。所以成日喺度谂……佢系应该系有小朋友，如果系佢自己小朋友仲好，但我又唔想左搞右搞，搞完之后又得个吉，最好就系佢揾多个二奶喇，好多人话我呢个谂法好奇怪，其实最实际，又唔使晒钱！”最终这一想法，遭到洁仪姐姐老公反对，二人目前计划再次接受人工受孕，希望不久将来会有好消息带给大家。