【全民造星II】胡学轩自爆被人话奸样︰要睇吓点样笑得亲和啲！

ViuTV大型选秀节目《全民造星》去年成功制造不少话题，吸引了一群粉丝，更成功捧红两队男子组合︰MIRROR和ERROR。今年ViuTV又再添食，周日（23日）是《全民造星II》首场淘汰赛录影，亦是96位入围参赛者（3位参赛者退选）第一次见传媒。《香港01》记者访问了其中一位已吸引了不少粉丝的参赛者——41号的胡学轩（胡仔）。他本身会去Busking，又常常在商场表演唱歌，已有一定名气，但他就表示不参加上一季是觉得自己“未ready好”，所以上届没有参加，去到今年，他觉得就算自己跳舞未达到标准，都希望自己试一试，勇敢挑战自己。

零跳舞底子　睇Playback觉得尴尬

胡仔直言跳舞对于他来说是一大难关，“因为我自己本身系冇跳舞，系零嘅，但系要喺短时间内跳到一定嘅程度，起码要拍到MV呢，对我嚟讲系一个挑战啰，所以我自己都好努力去将勤补拙。”他又指有时看自己跳舞也会感到有点尴尬，“就算我初选嘅时候，我都有去练，虽然好短嘅舞，但系我都练咗好耐，即系对镜啊，睇返啲片啊，都会觉得自己过唔到自己𠮶关。”

笑得唔自然　有人话佢个样好奸？

胡仔面对镜头的时候，较少笑容，相信是仍未习惯和紧张，他也解释自己笑的时候有点不自然，“有时啲人话钟意我笑多啲，我笑系要自然地，即系可能𠮶样嘢好笑就会笑，但系可能啲人叫我影相笑，就好唔自然嘅，所以我都要练习下点样笑，笑得好睇，有时笑得好奸咁样就唔掂啰。（有冇人话过你个样系奸呢？）都有嘅，所以我都要睇吓点样可以做到亲和啲啦。”相信多点对镜头就自然会习惯喇！胡学轩透露第一轮比赛也是预备了自己最拿手的唱歌表演，自言也有信心，希望可以做到平时的水准。

点击下图观看更多图片︰