【全民造星II】𡥧仔卓文参赛 姜大卫力撑：叫佢千祈唔好谂会赢！
撰文： 张嘉敏
出版：更新：
姜大卫 (John哥) 出席无线新剧《网络骗案》开镜拜神仪式，John哥表示他在剧中的角色是一个半退休的中医，拥有一个幸福家庭。问到他在真实生活中可有遇过网络或是电话骗案，他说：“好多人都收过呢啲电话，啲陌生电话号码同无来电显示嘅电话打嚟，我直情唔会接听，新闻都成日报道，所以大家真系要小心唔好中计。”他又谓自己也曾被人骗过，笑言：“畀我老婆呃咗我45年，我都呃咗佢45年，大家互呃。”说时流露出一脸幸福之情。
提到John哥的𡥧仔，现年24岁的姜卓文参加了ViuTV《全民造星II》比赛，对此John哥说：“我初初都唔知道，佢参加咗之后先话畀我哋知。我觉得几好吖，系佢自己揾到嘅，大会又会训练佢唱歌跳舞同演戏。我对佢有信心，希望佢可以入到50强，我同太太都有投票畀佢㗎，有畀心心。我同佢讲千祈唔好觉得自己会赢，就算输咗都唔紧要，系人生经验嚟，人生漫漫长路嘛。”至于可会推荐仔仔参与一些演艺的工作，又或是加入TVB？John哥表示：“呢行好怪，唔系话有人推荐就会有机会，系可遇不可求嘅，我都有啲朋友好热心，知道卓文钟意演戏都会打电话畀我话想揾佢演出。”
点击下图逐格睇John哥同埋佢仔仔姜卓文嘅靓相：
+5