【毛孩与小孩】愉快初接触的4个注意事项│Wilma妈虎羽有云

同小朋友外出，总有机会遇上毛孩。有时候佢哋爸妈都会邀请小朋友去同毛孩互动，以下有几个小贴士俾各位同毛孩们互动时愉快相处。【撰文及摄影为Wilma】

一）让小朋友触碰毛孩前先问毛孩嘅主人如果有人唔问你就摸你小朋友嘅身体，你都会觉得有问题吧？毛孩嘅主人亦一样。而且每只狗狗脾性唔一样，唔一定钟意同小朋友相处。先问准主人，除咗系应有礼仪亦系安全第一步呢！

二）不要突如其来嘅触摸任何人失惊无神掂你，你都吓一吓吧。要教导小朋友掂毛孩前要先俾毛孩嗅一嗅小朋友嘅手仔，等佢明白小朋友唔系攻击佢，双方确认冇敌意就俾佢哋接触吧！

三）喂毛孩食嘢嘅手势唔止小朋友，其实连大人好多时喂狗狗食嘢嘅手势都习惯用两只手指揸住粒零食俾佢食，咁系大错特错。你两只手指有机会仲大过粒零食，同埋毛孩们心急起上嚟，点样可以同你玩IQ避障碍物咁避开咬唔倒你两只手指？

将食物摆喺你嘅掌心，咁狗狗就好难咬到你喇！虽然小虎系只食得好温柔就哂力嘅哥哥，但因为魔王芊实在太唔怕狗实大把机会喂其他狗仔，所以最近我哋都开始教紧佢正确喂小虎食嘢嘅手势了。

四）大人必须看顾连小朋友都会打交抢嘢，就算毛孩几锡小朋友，都有机会佛都有火㗎。而且大部分嘅婴幼儿初期接触动物，都唔识就力（但一定要教！唔好以为BB仲细你教佢佢唔识咩叫细细力，你唔教，佢就更加冇机会识。）整痛毛孩佢哋反抗系人之常情。大人真系要好好睇住呢。

以上系Wilma妈嘅小心得，其实只要识得同毛孩相处嘅礼仪，小朋友同动物玩真系百利而无一害，亦系教小朋友善待生命嘅最好教育。

芊羽Wilma & 小虎2017年7月20日，拥有毛孩小虎的家添了一个小女娃芊羽。 这里记录两个淘气蛋的日常琐事，和芊羽妈的各样分享。

记者向NPV非牟利兽医服务协会查询，教育及传讯干事Candy Ngan表示Wilma的心得具参考价值，而且意识很好，知道与毛孩孩接触时应有的礼仪。另外，根据多次到学校进行教育讲座的经验，她亦有下以补充，期望小孩与毛孩相处有更好的体验：

1：毛孩们各有敏感部位，接触前应先主动问主人甚么位置不能摸。Candy举例有些动物已经生育多次，屁股或尾部会较敏感，触碰时即使没有立即反抗，也有可能会积聚压力，然后突然反咬小孩。2：不应从毛孩的旁边递出食物，如毛孩看不见小孩，又忽然有物件进入视线范围，毛孩便容易被吓到而激动。接触时小孩应身处在毛孩的前面，当毛孩看到小孩的一举一动，便不会被吓到。3：除了把放在手掌心，喂食前后亦应清洁双手，因为小孩可能会接触毛孩不能吃的食物，如朱古力。4：接触时家长和主人都会在旁看顾，因为主人是最了解宠物的行为和情绪，当有突发事情亦能立即处理。5：家长应留意小孩是否对宠物过敏。