【做律师好风光？】月薪唔够20k　多数系孤独精　道德底线仲要…

读者匿名问题：小弟读HKU LLB Year 4，准备入PCLL，GPA中上，未有TC，但心思思想做Counsel大状，有Mooting经验，觉得做Counsel好刺激；但我又知道做Counsel唔系咁易揾食，而且非常困身。 在HKU同侪之间素仰SJ大神向来乐意指导晚辈，希望SJ大神指点下迷津，感激不尽！

有关做Counsel的生活，早前有一位Peter Chan回答得非常贴切 。

就讲下做刑事大律师 Criminal Barrister，试想吓：

1. 出入法庭、 监狱、警署、自己chambers

你日日都系去𠮶几个地方 – 法庭、监狱、警署、自己chambers（写字楼）——法庭警署同监狱系全世界最闷最麻烦嘅地方，唔系讲规讲矩 （法庭）就系门禁森严（监狱），再唔系就同烂仔窦差不多（警署）。大律师系自雇人仕，返到自己chambers就坐系房做嘢，唔会同第二啲counsel有interaction。啲秘书／typist又唔会同你吹水埋堆。一般写字楼有嘅、同事间嘅interaction，你唔会有。到你入行耐咗，就可能有同行叫你去FCC同其他bar／solit饮杯嘢social吓啰。年资浅嘅，注定做孤独精……

SJ：Young barristers的确颇孤独，有好多冇Case时更干脆唔返chambers，留系屋企就算，省返啲车马费。据说周不时有Solicitors打去Chambers找某某年轻大状，Chambers的接线生听过电话另一边叫出的大状名字后，例如唔该啊“Mr. XXX Chan”，往往会回不过神来，因为根本记不起有呢位Counsel！

你说悲不悲哀？

2. 撞口撞面　法官、犯人、警察、律师

你日日都系见埋同一堆人——法官、犯人、警察、律师（包括师爷）。法官高高在上，有佢闹你你冇反击，最多俾你做到SC时偶然喺佢chambers请你饮杯sherry。犯人有官司在身，一定唔开心苦口苦面，个个话自已好人过邓肇坚。你打输佢就怨你闹你，你打赢佢手都唔会同你握。啲律师日日见，冇晒feel，大家交往建立喺$上（你要靠佢介绍客仔）。警察——唉！唔使讲……

SJ：好多Counsel朋友都有同感。

3. 睇文件　写文件　改文件

你嘅工作会净系睇好多好多文件，揾好多好多案例同法律，写好多好多嘢。次次上庭跟住同一程序做同一样嘢，写一样嘅文件（eg. Appeal bundle）。你话闷唔闷？

SJ：Counsel 根本就是一部文件机器。

4. 心理关口

虽然话“innocent until proven guilty”，但人心肉做，两条友仔喺网上识个14岁女仔，带佢返屋企轮住嚟又强奸又鸡奸又口交又吞精又拍片，仲逼个女仔系镜头前做 V 手势 “话下次玩过”（真实个案）。佢话你知个女仔系自愿，叫你帮佢打，你做唔做得到？

SJ：其实好少Counsel有呢啲心理关口。做得律师，尤其Counsel，day 1就知道最重要系咩 （Duty to Court, client etc. 以及赚钱），道德根本不在考虑范围。

5. 赢官司　胜利感大

当一个人为$杀咗个泰国女华侨摆佢喺入境处电梯机房，之后又杀咗个地勤摆佢喺引水道再勒索佢男友，你帮佢上诉成功（真实个案），你会唔会开心？

SJ：赢就系Counsel好，输就系Counsel废。这是99%打官司的人的心态。然而，真正的赢输通常在于案件本身的merits。好Counsel（以及好律师）往往就是把事情做得好，做得smooth，可以很好地协助法官了解案件相关案情与法律，以及为client提供更准确的legal advice，例如该打定系settle／plead guilty。

6. 大律师　赚大钱？

无论输赢都有钱收，做得十年八年就可月入十零廿万，你话正唔正？好彩嘅做到单上市公司诈骗案，一打就120日，每日收$4万（真实个案），系咪好和味？叻仔啲廿年后做埋SC，打上诉上堂收20万一日，你话过唔过瘾？

SJ：后生Counsel，生活极度困难。算有得10年call的，好多都struggle紧。Counsel越来越多，Brief就越来越细，低处未算低。

当然，食正条水的话，真的赚很多钱，但非常粗略估计Call了3年的Counsel计：

2%人平均月入港币$200,000以上；

8%人平均月入港币$100,000-$200,000；

20%人平均月入港币$50,000-$100,000；

40%人平均月入港币$20,000-$50,000；

30%人平均月入港币$20,000以下。

当然，赚最少的人有可能有其他正职既，例如去教吓书。

7. 做大状＝非常有型

落老兰一话自己做bar，大把靓女飞扑埋身，你话爽唔爽？

SJ：其实大把大律师个款成个电车男咁，可能忙于工作啦，而且做得Counsel冇几可去LKF饮酒：一系冇钱，一系冇时间。

SJ结语

做大律师其实系好闷、唔开心，但好揾钱，亦几有社会地位嘅工作。咁嘅工作，你会唔会想做？

【原文转载自StealJobs.com。StealJobs全面透露各行各业人工，工时，晋升前景，以及入行攻略，欢迎匿名提供收入资料。】

【Psychopath】精神变态最啱做嘅10大行业？ 警察、律师都有份…

其实精神病患者如在获得适合治疗下，是可以如常人般投身职场，不过有外媒早前就与心理医生列出10个最受精神变态（Psychopath）人士欢迎的职业。在此无意标签任何一个职业，也不代表被列出的职业都是“有问题的”，不过阅读这名单，也可算是从另一角度了解这些行业的另类特性吧！

【婚姻注册】证婚律师多数系“阿叔”？ 从年资、收入话你知原因

众所周知，香港律师分两种：事务律师（Solicitors）同大律师（Barristers），其中大部分为事务律师。大众的一个常见误解，就系大律师较事务律师高级，而且由事务律师“升上去”……