余香凝称分手不涉及第三者：𠮶位先生系多年好友 最近一齐开餐厅
撰文： 邝钰莹
出版：更新：
余香凝同陈家乐分手，女方被指搭上保险才俊，结果遭网民指责拜金。余香凝今午透过公司作出回应，表示报导刊登之后，令家人、同事感到担心，又指牵涉当中的人太多，大家都为此事而无觉好瞓。“我同家乐都分开咗差唔多有一个月嘅时间，我哋系有共识地坐低慢慢倾，和平地分开。我哋一齐咗几年时间，大家可能有啲位意见不同，一路都冇办法达成共识，最后选择去分开。我哋唔系有心去隐瞒大家，因为最近我哋都有好多工作，所以谂住处理好所有事情先同大家宣布。”
余香凝强调从没有消费陈家乐，更指他是个十分努力的演员，而她亦强调二人经济独立。“我余香凝绝对系一个好独立嘅女仔，我由出嚟做嘢到而家，我都系自己揾钱自己用，甚至乎系负担埋屋企，我绝对系有能力去养自己，所以我唔需要家乐使钱喺我身上，又或者系拜金、追求名牌，我同家乐嘅财政系完全独立。”
【专访】 陈家乐无缘与陈伟霆组Sun Boy'z：只怪以前唔知自己要乜
余香凝在声明中，一再强调分手并非因第三者，并以“𠮶位先生”形容疑似新欢Victor，指对方是她认识多年的好友，而最近二人因投资餐厅而有更多的接触。“我嘅工作好忙，而餐厅月尾就要开张，我嚟紧要离开香港一个月，所以有好多好多嘢都未处理，每一日就算我做嘢做到几夜都好，我都会上去佢哋地方度同大家一齐开会，而佢哋地方系有屋企人同埋其他生意伙伴，所以我哋绝对唔系单独喺间屋度相处。”