【专访】陈家乐31岁想结婚：可能会同公司立场唔同

自觉是演员，需要有自己的生活，也不用刻意去讨好观众，陈家乐的想法连他本人也认为是迂腐，而他其实只不过31岁。唔再死背对白、唔再有事粒声唔出走人，原来只要肯多行几步，世界即时唔同晒，甚至连收入都多埋，人生仿如打开了新一页。去年一口气拍了3部鬼片，目前人在北京演奸角，这种忙到无时停的感觉，陈家乐绝对享受，至少不用再被妹妹笑“无野捞”。

“入行12年，都系得3年揾到钱，呢几年先照顾到屋企，摊均可能得几千月薪。”艺人表面风光，内里有几坎坷，陈家乐完全话到俾大家知，既然一年开得两三日工，为什仍然留在这圈呢？“因为真系好钟意。”最正的是，家人从不过问，老窦甚至会塞钱俾佢使，任性大概就是这样培养出来。“爸爸小时都想做演员，所以佢好纵容，真系一句都无叫过我唔好做，但如果零收入系发生系呢几年，爸爸开始退休，就可能唔同讲法。不过，我妹妹系有说话嘅，例如‘喂你都无嘢捞，重唔出去返工？’”陈家乐说这是他与妹妹的相处模式。

去年《幸运是我》与惠英红合作，记得当时访问二人时，红姐多次提到家乐进步不少，打从心底感受到前辈的关怀，旧事重提，当事人也笑着表示与红姐是一种缘份。“之前有一套作品系做佢个仔，当时系需要用对白交代剧情，所以我成日都好怕讲错对白，最后就变咗背对白，红姐当时直情话我唔得，呢句说话一直记喺心，之后不断提醒自己，到《幸运是我》可能佢见到我真系有进步，所以对我好少少咁。”摆喺心的，又何只红组一番话，陈家乐接着又爆出casting蠢事，令他一直介怀至今。“之前cast一套大片，我做古惑仔，一到场我就代入角色，用轻挑口吻同其他人讲嘢，但到真系讲对白时又甩甩卡卡。”角色没得到，劣评在数月后收到。“有导演叫同事教下我，话我态度好差，casting挂住玩。”陈家乐说时表现无奈，但身旁同事却笑到癫。“咁我真系紧张嘛，到而家都好介怀。”

事业去年开始有转机，女友余香凝也因《骨妹》而突然加速，步伐会否不太一致？没想到陈家乐的回答是：“你觉得我哋步伐唔一致咩?”他说对方无论走到什么位置，都一样会为替她高兴。“呢行系咁，无话齐上齐落，佢都想我好，咁唔通佢有机会去外国发展，我叫佢唔好去咩。我同佢真系好钟意做戏，有时搭搭下火车，会扮唔识或者好耐无见，又或者我收到剧本，会一齐睇，佢会俾到一啲女性角度的意见我，很多东西可以交流。”拍拖两年多，感情稳定，陈家乐甚至已有成家立室的打算，一来是因为身边朋友都已拥有自己的家庭，二来他认为艺人也可以有常人的生活，但他认为经济状态暂时未容许。“我系演员，需要嘅系生活，可能会同公司立场唔同，但我需要感受世界，出街唔需要装扮。”余香凝今年才24岁，事业刚起步，会否话嫁就嫁？请大家等一等，看一看。