仔仔生湿疹成面成手都系　林盛斌：宁愿佢啲湿疹十倍咁生喺我度

湿疹是一种好常见的皮肤病，BB同小朋友都好易发病，相信不少父母都会因为自己的小朋友患有湿疹而好头痛兼心痛。育有3女一子的林盛斌（Bob）早前就透露过细仔林道申（Jaye）患了湿疹，要留在家中休息无得出去玩。昨晚Bob于他的Instagram上载了仔仔Jaye的照片，同平日唔同，以往Bob贴的都是Jaye的得意相，今次却是仔仔患湿疹的情况，相中的Jaye块面同手都布满红疹，隔住个芒都feel到BB又痕又痛，好阴功猪。

林盛斌扮电动牛牛　阿女排队入钱玩

BOB林盛斌入行15年突然感触眼湿湿：我知道冇可能取悦所有人

Bob留言表示：“本身好靓仔嘅细佬突然变到咁，做爸爸嘅真系心痛到一个点……希望老婆自家制嘅爱心cream 可以帮到你，宁愿佢啲湿疹十倍咁生喺我度都唔想见到佢咁阴功。请问有冇人仲有咩好坚嘅古法偏方提供？万分感谢！”睇字都完全感受到做爹地的Bob有几咁心痛，作为父母真系宁愿受苦的人是自己都唔会想仔女痛苦。网民都好热心留言分享医湿疹的方法，希望可以帮到Bob同Jaye啦。