林盛斌14年前做电台PA遭陈姓歌手白眼：系有种唔尊重嘅感觉

今年8月再度荣升爸爸的林盛斌（Bob），日前就到访荃湾一间中学，向校内学生分享他初入行做电台时的经历，谈到自己加入电台做DJ前，只是一名sales时，被其他人睇唔起兼被称为“阿猪阿狗”。其后Bob初入行做电台PA时，就惨被某歌手无礼对待，“当年要揾歌手录节日的祝贺说话，有位歌手我一定记得，我拿着写上对白的纸和录音笔揾他录，他睇完对白后，竟然将张纸掉在地上，然后调头离开。”其后林盛斌接受《香港01》访问时说：“𠮶阵直头好似做戏咁！我相信𠮶位人兄应该都唔记得呢件事，因为𠮶阵差唔多系2003年，系有种唔尊重嘅感觉，可能佢对其他人都系咁。”

Bob坦言当时虽然心情低落，“呢一幕一定会记住，虽然当时不开心，但没有气馁，振作起来继续工作。”咁到底呢位歌手系边𠮶？他就透露，“佢好靓仔，亦爱hip hop打扮。总之佢曾讲过退出娱乐圈啦，不过又出返嚟，唔好讲佢系姓陈。”看来答案呼之欲出了，但Bob就未有承认当事人系边个，“𠮶次事件发生后就同自己讲，要努力做嘢做好自己，希望有一日会得到尊重。其实之后都无咩合作过，或者系公开活动见过面，大家都唔同范畴，唔系同一个朋友圈。”

Bob表示希望可以同学生分享呢件事鼓励他们遇到挫折都唔好气馁，“呢啲都系小事，将来到社会做嘢遇到更多唔同嘅困难，都要咬紧牙关去面对。”至于除了“呢位仁兄”之外，仲有无其他歌手都咁样对阿Bob？佢就话，“其实都无乜，又好少出现呢啲人，呢个已经去到好极端，好似做戏咁。”Bob最后亦好谦虚表示自己现在距离成功仲有好一段路，希望尽力做好自己获得他人嘅尊重！