【多图】艺人婚照类型多元化 岑丽香陈柏宇孙慧雪各有特色
撰文： 洪晓璇
出版：更新：
想当年父母去影楼企定定影相，依家睇番好似好娘，不过雨侨同罗力威嘅Studio婚照一出后，令唔少人惊觉原来潮流又返嚟啦﹗近年个个结婚都话要去韩国影相，男嘅GEL头扮OPPA，女嘅鱼尾婚纱显S身型，原来Studio婚照番兴都有密切关系。著名婚礼摄影师Stephen Chu表示：“其实好多客人会先影室内婚照作热身”到底点解呢？
雨侨同罗力威嘅婚照，既有简单白色落地大窗，又有森林场景风格多变，令人目不暇给。曾多次获奖嘅著名婚礼摄影师Stephen Chu表示：“雨侨同罗力威唔系第一个艺人影STUDIO PW，只系呢一辑回响比较大。潮流其实系一个循环，影楼景可以配搭得更为欧化，影出嚟效果当然更好。”
“其实依家香港影婚纱相，好多客人会选择影STUDIO作为热身，喺室内环境唔需要受天气等外在因素影响下，同客人沟通得更多，一对新人亦会容易放松去练习笑容、Pose等，客人影完室内再影室外，成件事会更事半功倍，面对镜头时已经习惯咩笑容姿势系最自然最靓。”
近年唔少艺人轮住结婚，余文乐、陈柏宇等，便服look又有，黑白照一样都有，无论要咩风格都好，摄影师Stephen就话其实最重要系做自己：“站在专业角度，最好一定系影番一对新人嘅Love Story，最好一对新人影相前同摄影师开会，要唔要准备一啲道具，能够反映到二人相识经历，倾下影出嚟想呈现出高贵、活泼、电影感还是创作性高啲例如缩影、悬浮婚照，婚礼当日放啲相出嚟想宾客感受到啲咩感觉。”Stephen笑言准新娘唔需要甚么地狱式减肥一星期唔食嘢，只要戒口唔好食煎炸食物，同埋敷保湿Mask令皮肤状态好啲，影相当日放松心情做自己，出嚟效果就会更理想。
+8