【夸世代】70岁姜大卫拍擂台戏唔用替身 最锋利嘅刀系唔会生锈嘅
撰文： 李妍桦
出版：更新：
台庆剧《夸世代》仲有几集就完，大家越追越起劲，究竟陈豪有几癫，玩完穿越再玩蝴蝶效应，嚟紧仲会出现丧尸，港剧嚟讲真系前所未有。
当大家都好紧张估紧大结局时，有份参演做宋佳佳嘅麦明诗就回带，喺Facebook度分享一条镜头外姜大卫打擂台嘅片，姜大卫喺剧入面做Bobby嘅阿爸，就叫宋礼，𠮶集就讲佢患癌，但为咗完成心愿坚持亲身上阵完成擂台比赛。
虽然成日睇姜大卫广告话“再锋利嘅刀都有生锈嘅一日”，但姜大卫本人就一啲都冇生锈，虽然已经成70岁，但拍擂台𠮶时大部分佢都唔用替身，选择亲身上阵，但睇条片完全系好fit到震，动作镜头完全难唔到佢，企喺隔离拍片嘅麦明诗都话：“John哥咁专业嘅精神，我问心自愧不如。”