【名模Secret】做model要俾公司抽30%佣　被走数可以点算？

上集 ( 相关连结：http://bit.ly/2m90Uyw ) 讲完想做model行天桥要具备的条件，以及这行的薪酬参考价，今次就讲下其实可以怎样入行以及这行的行规。咪以为听人讲在街上被星探发掘就断定系呃人，原来行内确是有这种做法，不过名模陈嘉容（Eunis）就提醒大家：“自己要醒目，如果叫你上公司之后要收你钱𠮶啲，就系呃人㗎喇，无理由都未有Job畀你，要你先畀钱出嚟。以前入行难啲，主要都系靠熟人介绍又或者系畀人发掘，但依家多咗好多途径喇，上网已经揾到好多model公司，揾啲大公司就一定无错，可以自荐。”

签了model agency入行做model之后，每个job公司又会抽几多佣金呢？Eunis表示：“本地嘅model一般系抽20%-30%，海外嘅model就抽30-40%，因为要计埋机票同住宿嘅费用。呢行系做完先畀钱，我哋通常做完一个job要等45至60日先收到钱。签angency比自己做freelance嘅保障大好多，有人帮你bargain啲job嘅价钱、有人收数、有安全感。”Eunis曾经有段日子没有签agency，自己做freelance接job，就试过被走数。

“𠮶次系畀制作公司走数，所以对于呢类公司都要小心，唔签agency嘅风险就系有机会收唔到钱。我个case系间制作公司走咗佬，我损失咗5位数字酬劳，𠮶个Job系一早起身过澳门做足11个钟，结果白做。如果有签angency公司会有途径去追讨，如果得我自己一个就好难去追，唔通去小额钱债处咩。我签咗agency后有次又系畀制作公司走数，公司好好，佢哋自己拎钱出嚟畀我。”听闻接大陆Job好易被走数，不过Eunis就未有遇过这种情况：“揾间好嘅agency好重要。”

做model行骚有时可能会需要演绎一些很性感，甚至裸露的服饰，原来事前是可以讲明自己有甚么要求的，Eunis说：“angency事前一定会问清楚个model有无咩request，会知道晒有啲咩衫，当然无得拣着边件，但可以要求唔想咩性感程度嘅衫，例如唔著泳衣、内衣呢啲。个客都可能会加钱嚟利诱啲model著，一般都系加多几千至加多5位数字。”那么又可有试过被客户毛手毛脚呢？Eunis表示无试过：“工作出席嘅场合要有经理人或者公司同事喺度，有咩唔对路自己都要避开，走开，要识得执生同埋醒目啲。”

模特儿这行竞争剧烈，当然都会有是非争斗搞小圈子等问题啦，Eunis说：“你同agency关系好啲，公司都会落力啲sell你畀啲客，有时又会抹黑唔系自己公司旗下嘅model。系咪存在要陪瞓换job我就唔知，我几间公司嘅老板都系女人嚟。有钱收嘅饭局我都无去过，不过我知道实有呢啲不道德嘅交易，唔好话模特儿又或者系artist会有，以我所知就连空姐、做投资甚至系做地产嘅都有。”