【独自音乐】刘威煌拒入训练班　做足5年陪衬：好似为许廷铿而做

“01音乐”全新节目《独自音乐》今集找来“威煌队长”刘威煌。歌手刘威煌至今入行7年。当初他已TVB歌唱选秀节目《超级巨声》而入行。他当初参加该个比赛便顺理成章签入TVB。更曾与许廷铿、林师杰及陈鸿硕组成“Super 4”。虽然入行至今7年，完约TVB后加盟“棋人香港”追逐歌手梦。可惜出道已7年的他至今仍未推出个人唱片。在今集的《独自音乐》刘威煌为大家演绎两首歌曲：分别是《不离不弃》（TVB电视剧《情越双白线》主题曲）及刘威煌的全新派台作品《灰狗》摄影：黎家浩

今集的《独自音乐》在荃湾拍摄，因为荃湾是一个充满刘威煌“脚毛”的地方：“我由细到大都住荃湾区。住咗几十年，我觉得荃湾虽然每一年都变，但有一样嘢系唔会变就系荃湾区嘅人。呢一区虽然系旧，但有好多难以形容嘅人情味。荃湾区有好多小店，有好多我儿时已经留脚毛嘅机舖。除咗机舖，荃湾真系一个可以自给自足嘅地方。有好多好好食嘅老字号餐厅，又有波楼（桌球室）仲有唱K嘅地方。其实荃湾真系好好。”

不经不觉入行已经七年的刘威煌，可能观众会记得他的名字，毕竟他因《超级巨声》成为TVB艺人，曝光的机会自然相对提高，以歌手来说，起步自然快人一步，但结果并未如大家所想：“我喺2010年加入电视台（TVB），回想咁多年，我刘威煌真系好似无做过啲咩嘢。我相信好多人会觉得刘威煌入咗电视台，自然条路一定会行得好好。但我觉得如果以演员为梦想的确系一个唔错嘅开始，但我偏偏就一个歌手嘅身分入电视台。我觉得好难以歌手身分喺电视台生存。原因可能系唱嘅多数都会电视剧集歌，而且有好多嘅竞争对手，要做好多自己未必想做嘅嘢，所以大家唔好以为入TVB一定好开心。”

刘威煌：好多嘢都为许廷铿而做

“其实初初入TVB当时公司好似好好，当年我、许廷铿、林师杰仲有陈鸿硕组成‘Super 4’。开头我会谂，会唔会将我哋四个人变做一个main focus呢？但后来发觉好似又唔系。因为当时许廷铿除咗有电视台经理人合约仲签咗一间唱片公司（星焕唱片）。而我哋三个只有电视台经理人合约。变咗中间有好多嘢都感觉好似为咗许廷铿而做。而且我哋四个人唱嘅歌，主要都系电视剧嘅歌曲，亦都无无一个好好嘅方向畀我哋呢四个人。结果‘Super 4’大家都知啦，后尾都不了了之啦。其实自己都觉得有啲可惜。”刘威煌说。

“我唔明既然唔帮我出歌点解当初签我”

有很多艺人加入TVB都是为了一个机会，无论是歌手、演员或早是主持，只要能曝光都是一个机会，不过刘威煌似乎对此有自己的执著：“其实入电视台咁多年有一件事令我好唔开心。我系以歌手身份入去，我当然想唱多啲歌。无论系唱电视剧主题曲我都会开心。不过因为中段无咩嘢做嘅时候公司就提议一个方案，要我参加艺员训练班。我觉得呢个提议好好笑，我系嚟唱歌，点解要我重新开始走去做演员呢？所以最终我拒绝咗，但系呢件事到依家我都系耿耿于怀。而当时真系有其他人接受咗呢个方案而尝试得到更多嘅机会去拍电视剧。而我刘威煌就系因为我放弃呢个机会而开始慢慢工作量越来越少，甚至去到后期系无工作。我唔系想讲一啲说话伤害呢间公司。只不过我嘅专长系唱歌而唔系做戏，我讲嘅都系事实亦都无加盐加醋。因为佢哋唔系一间唱片公司，亦都因为咁我先选择离开去签另一间唱片公司，只不过我唔明既然唔帮我出歌点解当初签我。”

刘威煌当初为了做自己喜欢的音乐而选择离开TVB，签约另一唱片公司“棋人香港”，可是由2015年签约至今仍然未有这张“乐坛卡片”:“由2010年到今年2017年都已经七年时间。有很多人会问我几时推出碟？以前我会答，出single（单曲）都唔错，依家都唔多人出碟。但老实讲我谂每一个歌手心入面都想出一张个人大碟。其实中间有发生好多事令我到依家未出到碟。包括自己成绩问题，包括公司（棋人香港）budget问题，包括人事问题等。就系因为呢啲因素加加埋埋，其实到今日为止我都可以答大家，我仲未有机会推出一张个人大碟。呢个可能真系我发嘅其中一场梦。”刘威煌苦笑道。

《灰狗》主唱：刘威煌／结他伴奏：叶肇中（音乐监制）

38岁刘威煌最近以一首新歌表达他入行七年的心声。歌曲以粗口谐音为名《灰狗》。由梁柏坚填词，叶肇中作曲、编曲及监制。眼看他过去多年为“生活”而追梦，结果原来是为“生存”而迁就。

“入行七年我我一直以为自己系‘生活’，但后来我发觉自己系‘生存’。由我踏入呢行（做歌手）到做小生意都系为咗‘生存’，为咗有饭开。而一路就堕入呢个深渊。以前嘅我（在工作上）有太多太多嘅迁就，太多太多的被动。我好希望可以做有一日做自己，我希望有一日我可以‘生活’。”刘威煌由衷的说。