推轮椅婆婆上巴士！女车长1原因无法落板　阿伯怒骂：叫你落就落

年廿九吃团年饭后，许多市民都赶回家迎接农历新年，但乘搭交通工具也要守规矩！网上流传影片，拍到1名阿伯推着轮椅婆婆在香港仔巴士站大吵大闹，阿伯走上巴士要求女车长落轮椅板斜以便推妻子上车，但车长指因为站头有死车塞住未能正式埋站，当时身处路中，该位置没有路壆而无法落轮椅板，劝他等候下一班车或到下一个站上车。惟阿伯激动发难，不断喝骂指“架车可以放低㗎，唔好虾我呀”、“我叫你落，就落，我负责任”。

现场相继有途人及乘客劝阻阿伯，更有热心女子劝他先带婆婆返回行人路，“去𠮶度先落到轮椅㗎，我哋都系落轮椅㗎，佢呢度落唔到（轮椅板）㗎”，讵料反阿伯喝骂“唔好讲嘢，我报警”，终累及巴士无法开出。警员到场后耐心解释情况，劝说转坐下一班车，但阿伯仍情绪激动说“唔得，我一定要上呢架，我系要玩到佢尽为止”，几经辛苦才带他返上行人路调停。

网民认为女车长已清楚解释情况，狠批阿伯野蛮，“反社会人格”、“个老公仲要推个老婆去车头挡人车”、“呢啲老顽童真系”。

巴士停车处无路壆不能落轮椅斜板

有网民在facebook群组“巴士的事讨论区~更新版”上传2条影片，指“新年流流，为何搞到大家唔开心呢”。综合影片内容，事发现场是香港仔巴士总站，1名阿伯想推坐轮椅的妻子登上前往长沙湾的城巴970X，但当时巴士身处行人过路处前的路中，并非停在巴士站旁，女车长指该位置没有壆位，轮椅斜板不够长无法落板，又因为当时有另1辆巴士顶住，所以无法正式埋站，以安全为由劝对方多等一会，在轮椅位上巴士，或转到渔晖道车站上车，但阿伯发难报警，令巴士无法开出。

阿伯企图自行落轮椅斜板

事发于年廿九（1月28日）晚上，影片所见，阿伯站在车门指着女车长大喝“快啲”，又想自行拉出巴士的轮椅上落斜板，车长连忙说“你唔好搞呀，唔得自己落呀，唔得咁样㗎”。阿伯大声说“唔得咁你咪落板啰”，车长表示要报警，阿伯即走近驾驶座旁说“报警都冇用㗎”，车长见他走到身旁，即叫“你唔好行埋嚟”，阿伯回应“我唔掂你”。

阿伯：我叫你落，就落，我负责任

车长解释该停车位置因没有壆位而无法落轮椅板，但阿伯没听进耳，反而再大喝“叫车长（应指站长）嚟”，车长感好奇“叫边个车长呀，呢度冇站长”。有其他市民途经了解，阿伯称“我上车，佢话唔落得板”、“架车可以放低㗎，佢唔好虾我呀”、“我唔理你，你落唔落”、“我叫你落，就落，我负责任”，但市民听完车长解释后也认同“你咁搞好危险㖞”、“佢要埋到个壆位先落得（斜板）”。

此时车上乘客也支持车长“黐线㗎，Ｘ你老X，报警啦”，另1名女乘客上前劝阻，“算啦哥哥，算啦，唔该你啦”。阿伯不理会众人劝说，反而拿出手机示意要报警，又喝斥“我赶时间呀”。1名途经的热心女子劝阿伯带婆婆返回行人路，“去𠮶度先落到轮椅㗎，我哋都系落轮椅㗎，佢呢度落唔到（轮椅板）㗎”，阿伯却反斥女途人，称“唔好讲嘢，我报警”。女子再耐心说“呢度落唔到㗎”，阿伯朝她脸大喝“唔好讲嘢”，对方也大声回应，“太高啦呢度”，之后被其他途人拉开。

轮椅婆婆喝车长：唔好再讲咁多嘢啦你！

看到伯伯不听人劝告的态度，车上一众乘客愈发不满，“咁Ｘ燥，咁㒼塞”、“系咪饮咗酒呀”、“大家安全先好”，车长向众人解释，因为上车地点被另1辆巴士塞住，“报警都冇办法啦”、“我埋唔到去啦”，又叫阿伯“你喺轮椅位𠮶度等，后车就上到”。一直未有发声的轮椅婆婆此时向车长大喝“唔好再讲咁多嘢啦你”、“冇理由呀嘛，唔上得车嚟咩”。

警员劝坐下班巴士　阿伯：唔得，我一定要上呢架

另1条影片拍到，1名相信为巴士公司职员及2名警员到场调停，职员希望尽快解决事件让乘客乘车回家。警员劝阿伯婆婆上后1辆巴士，“佢开㗎啦，呢架”。惟阿伯态度坚决称：“唔得，我一定要上呢架，我系要玩到佢尽为止。”警员指要跟从巴士公司守则“咁都冇计”，阿伯坚持“咁上到为止啰”。

轮椅婆婆：好声好气我都冇咁火滚呀嘛

其后1名较高的男警入镜，叫阿伯先让后一班巴士开车，阿伯却将婆婆推到受阻巴士车头位置。现场所见，巴士站仍有不少市民正等巴士，而男警员带阿伯返回行人路协商，坐轮椅的婆婆则和另一名男警员聊天，此时多名巴士乘客选择下车离去，婆婆态度略为激动指“好声好气我都冇咁火滚呀嘛”。

警方表示，1月28日晚9时半左右收到报案，1名6旬老翁想推坐轮椅的妻子上巴士，和车长发生争执，列作纠纷处理。

网民撑车长：仲推个老婆去车头挡人车

网民认为车长已清楚解释为何不能落斜板，认为阿伯野蛮，“反社会人格，唔搞事会身痕”、“坏人变老了”、“架巴士斜板唔够长落唔到平地，要喺个壆，上面候车区先得，梗系两蚊大帝唔啱，前巴士公司车长”、“人哋捞低埋架车都斜台太斜上唔到喇！个老公仲要推个老婆去车头挡人车，都唔知话佢爱妻心切定推老婆去咩好”，但也有人认为“支持研究车头上落升降台”。