【起底组】邓月平演网络KOL被骗财色 游学修做兵救女神
撰文： 何志衡
出版：更新：
邓月平（Larine）第4部电影《起底组》今日开镜，Larine身穿粉红色连身短裙出席拜神仪式。邓丽欣、陈凯琳、林耀声同游学修都有出席。
Larine接受《香港01》访问时主动讲家中多咗个新成员：“我养多咗只拉布拉多（本身有只松鼠狗），两个几月大咋，但系佢好钟意玩便便，可能我成日拍戏唔喺屋企，佢屙到四围都系，笼外面又有窗帘都有。”
咁重口味不如讲番套戏啦，Larine喺戏中饰演网络女神，因为俾人骗财骗色而请求网络起底组帮手揾骗徒，因而认识起底好劲嘅游学修同林耀声，仲收咗游学修做兵，Larine话：“佢哋帮我起底之后，我又卷入一单解款车事件，搭上咗一个执钱嘅人，但我未知边个饰演，我就利用游学修嘅感情啰！系有啲收兵嘅成份。”不过佢话现实生活中唔钟意收兵，唔好误会佢㖞！