圣诞节约女生外出！港男提议食这餐厅　港女狠批黐线：唔会再覆佢

圣诞节约心仪女生外出，竟提议食这餐厅，到底是“直男”还是不解风情？有女生日前于社交平台分享友人圣诞经历，指对方于圣诞节正日应约男生外出，不过当友人和对方表示肚饿时，男方竟提议吃连锁快餐店大家乐，令友人与致尽失，更气到马上回家，她则发文嘲笑男方“有些人真的是凭实力单身”。

帖文掀起网民两极讨论，有人认为男方“傻仔”，指女生都需要“仪式感”，“追女仔都要小小浪漫挂，咁多人觉得大时大节食大家乐无问题？唔怪得咁多傻仔单身”、“追人已经咁无诚意，追到手的话仲要打半折，以后日子更难过”，又揶揄该“佢（男生）系咪大家乐员工”。惟有人就觉得男方提议并无不妥，“用金钱衡量嘅感情就算X数”、“圣诞节唔系情人节，点解一定要食大餐？”、“仪式感只系人类发明出嚟嘅产物”。

圣诞正日约心仪女生外出　港男提议食大家乐

“有些人真的是凭实力单身！”，该女生在threads发帖，上传2张对话截图，指是她朋友的圣诞经历。从两人对话所见，相信楼主的朋友于圣诞节正日（即25日）相约1位男生外出，对方或是有意追求楼主友人。不过友人事后却甚为不满，向楼主大吐苦水，称“啱啱同咗（个）Kam X出去”、“我话有啲饿，佢竟然话同我去大家乐”，楼主则回复多个哭笑不得的表情符号。

港女闻言嬲爆　立刻回家

友人续称，她听到大家乐3字后“我即刻话唔食”，果断决定回家，再加以粗口形容自己很是生气，楼主亦同样觉得男方提议离谱，称“圣诞节去食大家乐，真的值得凭实力单身”。楼主友人补充，她并非反对到快餐店用餐，“而系圣诞节食大家乐好有问题”，更扬言“我唔会再覆佢机”。楼主后来安慰对方，指“佢想追你，圣诞节食大家乐真系不OK”，友人则觉得男方“个人有问题”，直言“我返屋企食麦当劳都OK”。

网民笑男生傻仔：追女仔要浪漫

帖文惹来网民热烈讨论，不少人觉得事主并非“拜金”，反倒是需要“仪式感”，“追女仔都要小小浪漫挂，咁多人觉得大时大节食大家乐无问题？唔怪得咁多傻仔单身”、“宜家充斥啲想沟女又唔想付出男仔，然后就怪个女仔贪钱唔挨得，你连节日都唔肯花心思付出，咁我点解要同你一齐？”、“追人已经咁无诚意，追到手的话仲要打半折，以后日子更难过”、“无钱拣间小店食特色一样可以，圣诞节食大家乐？咪同结婚坐巴士去登记一样”、“其实个女仔无提早叫条仔Book定高级餐厅算系咁，呢啲节日walk in一定无（位），即系佢都唔expect条仔会去食贵嘢”，有人更揶揄该男生，“佢系咪大家乐员工”。

傻眼“约会奇遇”逐个睇

有女生则分享更令人傻眼的“约会奇遇”，“呢个唔够我𠮶个劲揪，圣诞出嚟去Starbucks坐唔打算嗌嘢饮，系斋坐，kam到我最后自己叫咗杯latte”、“我都试过，个男带我去尖沙咀斋行星光大道，然后我话我哋都行咗好耐，食嘢啦～个男话行多一阵坐车返屋企食面，我心谂玩嘢咩，喺屋企叫我食完lunch出去，行咗5-6个钟话返去屋企食面”。

另一派意见：仪式感只系人类发明产物

不过有留言觉得男方有这提议或情有可原，“圣诞节唔系情人节，点解一定要食大餐？”、“仪式感只系人类发明出嚟嘅产物”、“用金钱衡量嘅感情就算X数。条仔话大家乐都唔系好想追个女仔，而条女又嫌条仔cheap，两个根本就唔想一齐，何必勉强”、“个男仔可能知道做紧兵，点解要俾人呃餐圣诞贵饭”、“我肯定条女系最后一刻先应约，然后条仔本身都无谂住条女真系肯出嚟，所以根本无谂过（食咩）”、“你要睇条女几时应承𠮶日出街，早1个月讲定都仲有机会book台，但我睇佢哋顶多咪早1星期，更大可能系前1-2日约，仲有乜餐厅俾你book？”。

（threads）