圣诞悲剧！无订台遭女友骂　港男：为何要男仔订？　投票结果系咁

为何圣诞节要男生准备节目是“年经PO”！有港男发帖大呻被女友责骂，批评他未有早早预约圣诞大餐，“间餐厅明明系佢想食，点解一定系我book（预约）”，事前更从未提醒，发起投票让网民评理。有网民认为“冇话一定”，要看男女朋友平日相处方式，然而不少网民觉得这是“惯例”，“圣诞节男友book男友畀钱唔系好正常咩？咁计较”、“default系男友book吧”，结果有表达立场的网民39%都认为“边个想食咪边个book”。

39%网民认为“边个想食咪边个book”

楼主在Dard讨论区发帖，质疑“圣诞食饭点解一定要男仔book？”，指日前被女友责骂未有提早预约好圣诞大餐，“但间餐厅明明系佢想食，点解一定系我book”，女友事前也未有提醒。他发起投票，有逾1100人参与，当中21%认为“男仔要识做book台”、39%“边个想食咪边个book”、40%“睇答案！”，即有表达立场的人，大多认为由想食某餐厅的人自行预约。

男网民：闹返佢点解唔早啲book位

帖文也吸引不少留言，当中男女网民意见颇为不同，男网民认为女生想吃应自行预约，“你女朋友系健全人士有眼耳口鼻智商正常嘅话，book位佢应该都有呢个能力做到，一系就有公主病，一系就已经暗示咗想俾你表现下但你get唔到”、“我同女朋友讲话屋企煮”、“闹返佢点解唔早啲book位”、“我谂住揾餐厅book时候，我女朋友同我讲佢book咗，仲plan埋𠮶日节目”。

女网民：default系男友book吧

不少女网民则觉得无论大家取态如何，预约一步也应由男方处理，“default系男友book吧，咁都要教咩，重要人提…点做男朋友”、“一早倾定，不过男朋友book，不过我谂圣诞节就算对方唔提都应该自己醒水？唔系话会俾人闹定点，但你唔惊冇饭食？圣诞节好多餐厅都full，唔book唔会有得食”、“圣诞节男友卜男友比钱唔系好正常咩？咁计较”、“我自己嘅话如果系网上book我就会自己book，要打电话嘅就出声叫男朋友帮手，我个人比较i唔想同陌生人讲电话”。

也有网民认为应视乎情侣间默契，“如果你哋系各自book个type，就各自book，如果系男方习惯book，就男朋友book系预设动作”、“冇话一定，但如果系我圣诞节更加会提前准备”。部份相信是单身的网民则表示“好彩我冇呢个烦恼，呜呜呜”。

（Dard）