【我不怕唱歌】新人王唱《浮夸》零难度　曾俊华超Like：谢安琪？

又来到一星期一次的《我不怕唱歌》环节，今次带嚟一位“女高音”，想当年因为赢得某大型比赛而入行，当时年纪轻轻嘅佢已经喺乐坛一鸣惊人，新人出道已经成为乐坛新人王，第一张唱片仲拎过白金销量，实力有几劲就不容怀疑！可惜因为病令工作停滞，使她第2张大碟延迟推出，讲到咁明显，你又估唔估到佢系边个？Jim Tse @Hair Corner摄影：梁碧玲剪接：许栢伦

今次演唱嘉宾由于要向难度挑战，因此直接拣选了陈奕迅的《浮夸》。前财爷曾俊华听完后直言：“我钟意呢类型音乐！Live睇会好正！有Jazz的感觉，呢一类型音乐冇咁多框框！”不过他估演唱者是谢安琪。至于在意大利第二十二届国际歌剧演唱家大赛夺特别奖的女高音刘卓昕认为：“咬字好清楚，好有中气！我觉得佢好实在，一点都唔虚！”，连超唱得的Gin Lee都坦言呢位歌手，好适合唱音域阔的歌曲，究竟边个嘉宾，获得咁多好评？

谈到今次现场演绎《浮夸》，林欣彤要翻唱陈奕迅的歌曲也难掩紧张之情：“当我新歌《奇怪》推出后，有好多人听完嘅反应系会谂起Eason嘅《浮夸》，所以我就谂，不如趁今次《我不怕唱歌》就唱一次我版本嘅《浮夸》啦，睇下大家又可唔可唤醒大家对《奇怪》嘅感觉。其实我准备呢首歌嘅时候都几紧张，但既然今次呢个节目叫《我不怕唱歌》，不如就真系唱首难啲嘅挑战一下自己。”Mag续说：“未入行之前同朋友唱k嘅时候，一向都钟意唱高难度嘅歌，有时会变成人肉点唱机，朋友点歌要我。但入行后我就唔同咗，变咗钟意听人唱歌同埋食嘢，因为工作关系而日日唱歌，所以想喺k房做听众听朋友唱歌。”

Mag最近推出了全新歌曲《奇怪》，她表示这首歌是她的心声：“依家有好多人钟意评论，只要你有一件事畀人讲，其他人就会加把口一齐去评论，而且依家社会唔单止系艺人，因为有不同社交平台嘅关系，任何人都可以成为公众人物。只要你放一样嘢上去，任何人都可以批评嘅时候，被评论嘅人又应该点样去面对种种嘅批评呢？”

其实Mag自入行以来真的遇过不少批评，有人批评她的外型，更有人说她曾整容，面对成名后各种批评，Mag转以笑看人生的态度：“我相信每一个人唔多唔少都会在意其他人点睇你，由我以前未入行参加比赛时开始，我已经好在意人哋对我嘅睇法，到我参加《超级巨星2》多咗关注，自然畀人讲，我初初系好唔开心，但久而久之我改变自己谂法，睇嘢乐观咗。”Mag续说：“好似啲人成日话我好耐无见，唔同咗样，咁我会谂通常俾人话整容嘅人都系靓咗，所以我唔会唔开心，我会当系一种称赞，而唔会自己钻牛角尖。”

林欣彤由上年开始成为王祖蓝旗下艺人，Mag透露签约畀祖蓝，是因为祖蓝明白艺人的需求及感受：“依个老板除咗本身系艺人，系娱乐圈有多年经验，又钟意音乐，出过唱片，我会觉得呢个老板会明白我嘅谂法。而以前嘅公司（英皇）就算系艺人管理部门，或者再上一啲嘅高层，佢哋本身唔系歌手，所以未必会咁明白我，我觉得签公司最紧要系大家明白大家。”

林欣彤当初出道时，在音乐上成绩非常好，挟住《超级巨声2》总冠军身分签约英皇娱乐，并于推出其首张个人唱片《Vocalist》，而且首张唱片更达到白金销量，Mag及后更横扫2011年度香港各大颁奖礼的新人奖，而且成为2011年度IFPI香港唱片销量大奖“十大销量广东唱片”、“十大销量本地歌手－林欣彤”及“最畅销本地女新人”，当时被外界寄予厚望的她，之后不幸声带出现问题，又患上厌食症同抑郁症，令工作停滞，遭遇犹如一名运动员受伤患影响职业生涯。问到Mag有否认为签约王祖蓝是希望迎接第二次高峰期，她表示：“我唔会谂系唔系高峰期或黄金期，我会觉得有啲嘢要发生你都阻止唔到，我签约祖蓝旗下唔会要求话一定要爆红，我只系想做到我想做嘅音乐，我相信老板会尊重我嘅音乐，同埋会support我将来嘅工作。签入呢间公司我会感觉到大家坐喺同一条船，会系捉紧眼前每一个机会，而以前公司嘅工作模式会比较公式化。”